Тажикстаны баригдаж байгаа Рогуны усан цахилгаан станцын хоёр дахь гидро төхөөрөмжийг ашиглалтад оруулснаар тус цахилгаан станц нь төлөвлөгдсөн хүчин чадлынхаа 1/6 тай тэнцэх цахилгаан эрчим хүч үйлдвэрлэж эхэлнэ гэдгийг тус улсын "Авеста" агентлаг мэдээлсэн байна. Өмнөх гидро төхөөрөмжийг 2018 он ашиглалтад оруулсан, ингэснээр хоёр үүсгүүр нь 80-120 МВт цахилгаан эрчим хүч үйлдвэрлэх ч усан сан нь дүүрэхийн хэрээр үйлдвэрлэх цахилгааны хэмжээ нь нэмэгдэх аж.
Рогуны усан цахилгаан станц нь нийслэл Душанбегээс 11 км-ийн зайд Вашх голын урсгал дээр баригдаж байгаа. Нийт 6 гидро төхөөрөмжтэй байх ёстой цахилгаан станцын ажил хэд хэдэн шаттай явагдана. Дараагийн гидро төхөөрөмжүүдийг 2024 он гэхэд усгарч дуусах юм. Зөвлөлтийн үед баригдаж эхлээд орхигдсон байсан усан цахилгаан станцыг гүйцээн барих ажлыг Дэлхийн банкнаас 3,9 тэрбум доллароор санхүүжүүлж Италийн " Salini Impregilo" компани гүйцэтгэж байгаа.
Рогуны усан цахилгаан станц гүйцэд ашиглалтад орох үедээ далангийн өндөр 335 метр өндөр болсноор дэлхийн хамгийн өндөр далантай усан цахилгаан станц болох юм. Одоо баригдаад байгаа эхний хоёр ээлжийн төхөөрөмжийн далангийн өндөр 135 метр.
Сэтгэгдэл (0)
Сэтгэгдэл бичигдээгүй байна