​ТУРКИЙГ АНУ-Д ҮЙЛДВЭРЛЭСЭН ЗЭВСЭГЛЭЛ ХУДАЛДАЖ АВАХЫГ УРИАЛАВ

АНУ-ын Батлах хамгаалахын сайдын улс төрийн асуудал хариуцсан орлогч Жон Руд нь Туркийн эрх баригчдад хандан АНУ-д үйлдвэрлэсэн зэвсэг худалдан авч байхыг уриалсан байна. Тэрээр Туркийг удирдлага Оросоос Су-35, Су-57 онгоц худалдан авч магадгүй талаарх сэтгүүлийн асуултад хариулахдаа "Энэ талаарх мэдээллийг авсан.

Бид өөрсдийн боловсруулж энэ улсад байршуулсан америк системүүдээрээ мэдээж бахархдаг. Туркийн хамтрагчдадаа хандан шуурхай ажиллагааны нийцтэйг нь бодолцон АНУ-д үйлдвэрлэсэн техник, төхөөрөмжийг дээрд үзэн худалдан авч байхыг уриалмаар байна. Тэднийг энэ чиглэлд явахыг уриал байна" гэжээ.

Турк нь НАТО-ийн гишүүн, АНУ-ын холбоотон атлаа Оросоос байлдааны техник, зэвсэг худалдан авч байгаа явдал хоёр улсын цэргийн хамтын ажиллагаанд нөлөөлөх тухай асуултад "Турк нь мэдээж хэрэг тусгаар улс. Тэд өөрсдөө шийдвэр гаргадаг. Гэхдээ энэ чиглэлд ч тэдэнтэй хамтран ажиллахад бэлэн" гээд "Турк нь АНУ-ын эртний түнш, НАТО-ийн гишүүн, манай батлан хамгаалах албад цэргийн нисэх хүчний салбарт хамтран ажилласан урт удаан түүхтэй" гэжээ.

АНУ-ын агаарын довтолгооноос хамгаалах "Пэтриот" системээ нийлүүлэхээс татгалзсаны дараа Турк нь Оросоос адил зориулалт бүхий С-400 систем худалдаж авсан. Харин үүний хариуд АНУ нь Туркт гэрээ ёсоор нийлүүлэх ёстой байсан Ф-35 сөнөөгч, бөмбөгч онгоцоо нийлүүлэхгүй гэж мэдэгдсэн. Батлагдаагүй мэдээгээр Туркт авах ёстой байсан онгоцуудыг Польшид худалдахаар болсон. Үүний хариуд Турк нь Оросоос Су-35, Су-57 гэсэн хамгийн сүүлийн үеийн байлдааны онгоц худалдан авч магадгүй талаар ярьж эхэлсэн юм.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top