Казахстаны Ерөнхий сайд Аскар Мамин нь олон улсын рейтинг дэх улсынхаа байрыг ахиулахын тулд авах арга хэмжээ авах үүрэг өгсөн тухай Хятадын "Синвьхуа" агентлаг мэдээлсэн байна. Казахстаны Ерөнхий сайд нь улсаа олон улсын рейтингд бизнес эрхлэх нөхцөлөөрөө 28 дугаар байрт явж байгааг онцлоод энэ бол бизнесийг дэмжихэд чиглэсэн системт ажлын үр дүн гэсэн байна. Цаашдаа шинэ төсөл хэрэгжүүлэх ба шинэ үйлдвэрлэл бий болгохтой холбоотой улсын нөөц боломжийн талаарх бүр ч илүү ойлголтыг гадаадын хөрөнгө оруулагчдад өгөх ёстой тухай ярьжээ. Энэ чиглэлд Казахстаны мэдээллийн технологийн салбар, төмөр замын тээвэр, олон улсын худалдаа, санхүүгийн салбар хамгийн сайн ажилласан юм байна. Цаашид бизнес эрхлэх нөхцөлийг улам сайжруулах багц арга хэмжээг бусад яамдтай хамтран бэлдэх үүргийг Эдийн засгийн яамандаа даалгажээ. Авах арга хэмжээний дотор гадаадын хөрөнгө оруулагчдад чухал байдаг бүртгэх, бичиг баримт бүрдүүлэх зэрэг ажилбаруудыг улам хялбаршуулах арга хэмжээ орсон байна. Казахстан нь дэлхийн 190 орныг хамарсан "Doing Business" рейтингд 28 дугаар байр эзэлж байгаа. 2025 он гэхэд бизнес эрхлэх нөхцөлийг сайжруулснаар эхний хорин улсын тоонд багтах зорилт тавиад байгаа юм байна. Ташрамд сонирхуулахад "Doing Business" рейтингд Монгол улс 74 дүгээрт жагсаж байна.
Сэтгэгдэл (0)
Сэтгэгдэл бичигдээгүй байна