Моод цаг үеэ даган тасралтгүй өөрчлөгдөж байдаг тул цаг үе нь ямар байна моод нь ч тийм байна гэж гэдэг. Ойрын хэдэн жилийг дэлхий хэмжээнд байгаль орчны өөрчлөлт, цаг агаарын дулаарал, амьтадын эрхийг хамгаалах хөдөлгөөн, эрүүл хооллолт, хүйсийн эрх тэгш байдал, ЛГБТ хөдөлгөөний эрхийн төлөөх гэсэн үндсэн сэдэвтэй гэвэл нэг их хэтрүүлэг болохгүй байх. Ийм олон хүнд сэдэв ноёлж байгаа болохоор хувцасны дизайнеруудын бүтээл ч заримдаа санаанд оромгүй хачин хэлбэр янзтай болдог. Жишээлэхэд, тансаг зэрэглэлийн хувцас гаргадаг "Loewe" брэнд нь эрэгтэйчүүдэд зориулан урд талд нь ухлаадас хийж зай гаргасан өмд бүтээснээ албан ёсоо худалдаанд гаргажээ. Тугалын арьсан савхиар хийсэн энэ өмдний загварыг 2019 оны эхээр намрын хувцасны загваруудыг танилцуулахдаа олон нийтэд анх үзүүлж байсан. Ингээд саяхнаас албан ёсоор худалдаанд гаргаж байгаа нь энэ аж. Уг нь бол салтаа хэсгийг чөлөөлөн ил ил гаргасан урт түрийтэй гуталтай хамт өмсдөг өмдийг анчдад зориулан хийдэг бөгөөд чапс гэдэг юм байна. Харин энэ чапс нь алдартай брэндээс ан автай огт хамаагүй нөхцөлд өмсөхөд зориулж гаргасан тул моод хөөх дуртай хүмүүс өмсөж яваа таарах юм гайхаад хэрэггүй юм байна. Тугалын арьсан савхиар хийсэн чапсыг "Loewe" брэндийн сайт дээр 3990 доллароор үнэлэн санал болгосон байна.
Сэтгэгдэл (0)
Сэтгэгдэл бичигдээгүй байна