​ЦАГАА ОЛЖ СЭЛФИ ХИЙГЭЭД АМЬД ГАРЧЭЭ

Ирландад 28 настай эмэгтэй амийг сэлфийн ачаар аварсан тухай "The Irish Sun" сонин мэдээлсэн байна. Ажилдаа цагтаа ирээгүй эмэгтэйд юу тохиолдсоныг мэдэхээр аав нь гэрт нь очтол ухаангүй хэвтэж байхыг олсон байна. Дуудлагын дагуу ирсэн түргэний эмч нар эмэгтэйн тархинд цус харвасан болохыг тогтоожээ. Улмаар эмэгтэйн амийг аврах тариа хийхийн тулд яг хэдийд ухаан алдсаныг тогтоох шаардлагатай болсон байна. Учир нь, тархинд цус харвасны дараа өнгөрсөн хугацаанаас хамаараад яаралтай тусламж үзүүлэхдээ хийдэг эм өөр байдаг аж. Аз болж ухаан алдсан эмэгтэйн дүү нь түүний утсыг шалгаж үзээд аавыгаа ирэхээс яг 14 минутын өмнө сэлфи хийсэн байхыг олжээ. Үүний дараа эмч нар тухайн үед нь тохирох тариаг яаралтай хийснээр эмэгтэйн амийг аварч. Одоогоор эмэгтэйн амь насанд аюулгүй болоод хэвтэн эмчлүүлж байгаа аж. Хамгийн сонирхолтой нь эмэгтэй ухаан алдан унахаасаа өмнө яаж сэлфи хийснээ ер санахгүй байгаа гэнэ.

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2019 оны 12 сарын 01  [ 202.55.188.94 ]
Зочин

211001

2019 оны 09 сарын 19  [ 66.181.161.121 ]
Зочин

Бурхан тусалж дээ

2019 оны 09 сарын 18  [ 202.179.31.36 ]
Зочин

Азтай байна.

Top