Нийслэлийн Мэргэжлийн хяналтын газраас 129 зочид буудлуудад хяналт шалгалт хийсний 90 нь зочид буудал, 39 нь дэн буудал 39 байжээ. Зочид буудлын гурав нь их эрсдэлтэй бол дэн буудлын тав нь их эрсдэлтэй үнэлэгдсэн байна.
Зонхилон тохиолдсон зөрчлүүд:
Чингис, Ноён зочид буудлууд гадна орчны 50 метр талбайн цэвэрлэгээ хангалтгүй,
Доллар, Мөнхаан, Ноён зэрэг зочид буудлууд хортон шавжийн устгал, шавьжгүйтлийг тогтмол хийдэггүй,
Бишрэлт, Сэлбэплаза2, Вэнзөү зочид буудлууд мини баранд хадгалалтын хугацаа дууссан бүтээгдэхүүнээр үйлчилж байсан зэрэг шалгалтын явцад 393 зөрчил илэрсэн байна. шалгалтын дүнгийн улмаас таван зочид буудал дундаас бага руу, хоёр зочид буудал их эрсдэлтэйгээс дунд эрсдэлтэй рүү шилжсэн байна.
НМХГ-ын дарга Л.Эрдэнэчулуун "39 дэн буудлын тав нь л стандартын шаардлага хангаж, 34 нь хангаагүй байна. Улаанбаатарт 400 зочид буудал байгаагаас 200 нь дэн буудал байна. Тэнд архидалт, биеэ үнэлэлт, хар тамхины хэрэг зэрэг хууль бус үйлдэл явагдаж байна. Үүнийг таслан зогсоож байж Улаанбаатар хот эрүүлжинэ. Бага эрсдэлтэй гэж үнэлэгдсэн таван дэд буудлыг үлдээж, дунд болон их эрсдэлтэй 34 дэн буудлын тусгай зөвшөөрлийг цуцлъя" гэснээр тусгай зөвшөөрлийг цуцлуулахаар санал хүргүүлэхээр боллоо.
Сэтгэгдэл (0)
Сэтгэгдэл бичигдээгүй байна