Энэ жил Энэтхэгийн зэвсэгт хүчинд техник, зэвсэглэлээ шинэчлэн сайжруулах болон өмнө нь байгуулсан гэрээний дагуу төлбөр хийхэд 800 тэрбум рупи буюу 11,2 тэрбум доллар шаардлагатай байгаа тухай Батлан хамгаалах яамны төлөөлөгчид мэдээлжээ. Жамму – Кашмир мужийн онцгой статусыг халж, Төв засгийн газрын шууд удирдлагад оруулсантай холбоотойгоор Пакистантай харилцаа муудаад байгаа үед ийм мэдэгдэл хийсэн нь олны анхаарлыг татсан байна. Шаардлагатай мөнгөнөөс 200 тэрбум рупийг хуурай замын хүчийг сайжруулахад, 400 тэрбум рупийг цэргийн нисэх хүчнийг сайжруулахад, 200 тэрбум рупийг Тэнгисийн цэргийн хүч зарцуулахаар мэдүүлэг өгөөд байгаа аж. Үүний дээр 2018 онд байгуулсан зарим гэрээний төлөлтөд шаардлагатай мөнгө хүрэлцэхгүй байгааг юм байна. Энэтхэгийн армид сөнөөгч онгоц, шумбагч завь, нисдэг тэрэг, явган цэргийн сүүлийн үеийн зэвсэг ихээр дутагдаж байгаа тухай тус улсын "Жагран" агентлаг мэдээлээд байсан юм. Үүнтэй холбоотойгоор Энэтхэгийн Засгийн газраас хийсэн мэдэгдэлд "Засгйн газар нь эрүүл мэндийн салбар, боловсрол, дэд бүтэц болон бусад салбар хөрөнгө зарцуулах шаардлагатай. Гэтэл Батлан хамгаалахын зардал нь Төв засгийн газрын нийт төсвийн 32 хувийг эзлээд байна. Мөн бид цэргийн албан хаагчдын тэтгэврийг нэмэгдүүлэх зардлыг нэмж гаргахаар болсон" гэжээ.
Сэтгэгдэл (0)
Сэтгэгдэл бичигдээгүй байна