Энэтхэгийн Ражастан мужид дөрвөн хөл, гурван гартай охин хүүхэд төрсөн тухай Британийн "The Mirror" сонин мэдээлсэн байна. Тус мужийн улсын мэдлийн нэгэн эмнэлэгт төрсөн 24 настай эмэгтэй нь энэ охиноос гадна хэвийн бойжилттой хүү төрүүлсэн юм байна. Энэ эмэгтэй нь анхандаа гурван ихэр төрүүлэх байсан ч хэвлийд байх явцад хоёр ураг нийлсэн бололтой гэсэн таамгийг эмч нар дэвшүүлсэн аж. Жирэмсний үеэр эмэгтэй нь хэт авайн шинжилгээнд огт орж байгаагүй тул үүссэн асуудлын талаар юу ч мэдээгүй байж. Илүү эрхтнүүд нь хүүхдийн цээж, гэдсэнд байрласан бөгөөд удахгүй мэс засал хийж авах аж.
Сэтгэгдэл (0)
Сэтгэгдэл бичигдээгүй байна