Пакистаны Гадаад хэргийн сайд Шах Мехмуд Куреши ийм мэдэгдэл хийснийг тус улсын "Samaa TV" дамжуулжээ. Гадаад хэргийн сайд нь Ерөнхий сайд Имран Ханыг Саудын Арави рүү айлчлал хийхтэй холбогдуулан тус сувагт ярилцлага өгөхдөө ингэж хэлсэн байна. Тэрээр Энэтхэгийн Ерөнхий сайд Нарендра Модийг сайн мэддэг, "юу ч хийж мэдэх хүн" гэж тодорхойлоод хоёрдугаар сарын 14-нд Энэтхэгийн Жамму ба Кашмир мужийн Пулваме хотноо болсон алан хядах ажиллагааны цаана үнэн хэрэг дээрээ Энэтхэгийн тагнуулын алба байгаа гэсэн байна. Моди нь сонгуульд ялалт байгуулахын тулд алан хядах ажиллагааг захиалж хийлгэсэн гэнэ. Мөн Имран Ханыг НҮБ-ын Ерөнхий ассамблейн чуулганд оролцохоор явж байгаагийн нэг гол шалтгаан нь Энэтхэгийн Кашмир мужид болж байгаа зүйлийн талаар дэлхий дахинд ярьж өгөх явдал гэсэн байна. Кашмирын асуудлыг талаар болон дэлхий даяар лалын шашныг үзэн ядах үзэл газар авч байгаатай холбогдуулан Турк, Малайзын удирдлагуудтай гурван талт уулзалт зохион байгуулах юм байна.
Сэтгэгдэл (0)
Сэтгэгдэл бичигдээгүй байна