Испанийн Каталон автономит мужийг салан тусгаарлаж, улс болгохын төлөө тэмцэл явуулдаг хэт даврагч үзэлтэй идэвхтнүүдийг баривчилсан тухай "La Vanguardia" сонин мэдээлсэн байна. Есдүгээр сарын 23-нд Испанийн шүүхийн шийдвэрээр Каталон мужийн хэд хэдэн хотоос нэгэн зэрэг есөн хүнийг баривчилсан байна. Баривчлах үеэр салан тусгаарлагчдын гэрт нэгжлэг хийхэд тэднийг гэрийн нөхцөл тэсрэх бөмбөг бэлдэн дэлбэлэхээр зэхэж байсан нотлох баримт гарч иржээ. Салан тусгаарлагчдыг 2017 онд болсон Каталон мужийн тусгаарлах тухай санал асуулгын ойгоор буюу аравдугаар сарын 1-нд бөмбөг дэлбэлэхээр зэхэж байсан гэж үзэж байна.
Сэтгэгдэл (0)
Сэтгэгдэл бичигдээгүй байна