​ӨМНӨД АМЕРИКИЙН ОРНУУД ВЕНЕСУЭЛИЙН УДИРДЛАГЫН ЭСРЭГ ХОРИГ АРГА ХЭМЖЭЭ АВНА

Америк тивийн улсууд хоорондын харилцан туслалцах гэрээ буюу Риогийн пакт гэж нэрлэгдсэн гэрээнд оролцогч орнууд нь энэ даваа гарагт Венесуэл улсын удирдлагын эсрэг эдийн засгийн хориг арга хэмжээ авах тогтоол баталжээ. Тус тогтоолд "Николас Мадурогийн дэглэмтэй холбоотой болон мөнгө угаах хууль бус үйл ажиллагаа, мансууруулах бодис нууцаар тээвэрлэсэн, алан хядлагыг санхүүжүүлсэн бүх этгээд болон байгууллагуудыг илрүүлэн, ийм этгээдийн үйл ажиллагааг мөрдөн шалгаж, эрүүгийн хэрэг үүсгэж дайчлан баривчилж, албадан гаргахад шаардлагатай бүхнийг хийх болно" гэжээ. Энэхүү тогтоолыг баталснаар Америк тивийн улсууд хоорондын харилцан туслалцах гэрээний гишүүн орны нутаг дээрх эдгээр байгууллага ба хүмүүсийн бүх хөрөнгийг битүүмжлэн гацаах юм байна. Хориг арга хэмжээнд багтах хүмүүсийн нэрсийн гэрээний оролцогч орнуудын санхүүгийн тагнуулын албад тогтоох гэнэ.