Вашингтон Пеньян хоорондын хэлэлцээ ойрын хоёр гурван долоо хоногийн дотор ажлын түвшний уулзалтаар ахин сэргэх тухай "Reuters" агентлаг мэдээлсэн байна. Тус агентлагийн Өмнөд Солонгосын парламент дахь эх сурвалжид Өмнөд Солонгосын тагнуулын албад дахь эх сурвалж энэ талаар хэлсэн гэж байна. Хэрэв ажлын түвшний уулзалтууд амжилттай болж өнгөрвөл оны дуусахаас өмнө Ким Жон Ун ба Дональд Трампын дөрөв дэх удаагийн уулзалтын зохион байгуулах боломжтой болох аж. Өмнөд Солонгосын Ерөнхийлөгч Мун Жэ Ин нь Нью-Йорк хотноо явагдаж байгаа НҮБ-ын Ерөнхий Ассамблейн 74 дүгээр чуулганы хүрээнд АНУ-ын Ерөнхийлөгчтэй уулзахын өмнөхөн Солонгосын хойгийг цөмийн зэвсэггүй бүс болгох талаар Вашингтон ба Пеньян хоорондын хэлэлцээ удахгүй эхэлнэ гэдэгт найдаж байгаа тухайгаа мэдэгдсэн байна.
Сэтгэгдэл (0)
Сэтгэгдэл бичигдээгүй байна