НҮБ-ын Ерөнхий Ассамблейн чуулганд оролцохоор байсан Оросын төлөөлөгчдийн бүрэлдэхүүний 10 хүнд АНУ-ын Элчин сайдын яам виз гаргаж өгөөгүй тухай "РИА Новости" мэдээллээ. Америкийн тал нь оросууд виз мэдүүлэх хугацаанаас хоцорсон тул арга буюу олгоогүй гэсэн бол Оросын тал үүнийг үгүйсгэж, америк дипломатчидын заасан хугацаанд мэдүүлэг өгсөн гэж байна.
Оросын Ерөнхийлөгчийн хэвлэлийн төлөөлөгч Дмитрий Песков энэ байдлыг эрс шүүмжилж Вашингтон нь олон улсын өмнө хүлээсэн үүргээ зөрчлөө гэжээ. Улмаар Москва болон НҮБ-ын зүгээс Америкийн энэхүү үйлдэлд эрс хатуу хариу өгөх ёстой гэв. Үүнээс өмнө Америкийн тал нь НҮБ-ын Ерөнхий Ассамблейн чуулганд оролцох Ираны Ерөнхийлөгч болон албаны хүмүүст виз олголгүй удааж байгаа, НҮБ-ийн нарийн бичгийн дарга энэ талаар Америкийн холбогдох албаны хүмүүстэй уулзаж байж шийдсэн тухай мэдээ ирж байсан.
Сэтгэгдэл (0)
Сэтгэгдэл бичигдээгүй байна