Их Британид амьдардаг эмэгтэйд маш хүнд хагалгаа хийж хэлийг нь гарынх булчингийн эд, судсаар нөхсөн тухай "Daily Mail" мэдээлж байна. Рашклив дүүрэгт амьдардаг Ребекка Паттерсон гэгч эмэгтэй найман жилийн турш амны хөндийн кандидоз гэсэн оноштой, түүнээс болоод хэлэн дээрээ жижиг шархтай явсан юм байна. Эмч нар анхандаа тэр шарх нь эрүүл мэнд, амь насанд нь ямар аюулгүй гэж үзэж байж. Гэтэл 2018 оноос хэл маш хүчтэй өвддөг болсноор эдийн шинжилгээ өгөхөд шарх нь хорт хавдар болж хувирсныг тогтоожээ. Ребекка нь хорт хавдраа авхуулах хагалгааны дараа ярьж чадахгүй болохоос их эмээж байсан ч эмч нар тун өвөрмөц шийдэл болсон байна. Эмэгтэйд 11 цаг үргэлжилсэн хагалгаа хийхдээ хорт хавдартай хэлний баруун талыг нь тасалж аваад оронд нь зүүн гараас авсан арьс, тараагуур судсаар нөхөн суулгажээ. Ингэж суулгахдаа шинэ хэлийг багтаах үүднээс хүзүүний баруун талын тунгалгийн булчирхайг авч, хоёр шүдийг нь сугалсан байна. Хагалгааны дараа Паттерсон залгиж, зажилж сурах гэж нэлээд удсан ч одоо хэвийн ярьдаг болсон төдийгүй хөгжлийн бэрхшээлтэй хүүхдүүдэд багшилдаг хуучин ажилдаа эргэн оржээ.
Сэтгэгдэл (0)
Сэтгэгдэл бичигдээгүй байна