Монгол улсын Ерөнхий сайд У.Хүрэлсүхээр ахлуулсан ажлын хэсэг 9-р сарын 28 нд Хэнтий аймагт ажиллаа. Ажлын хэсгийн бүрэлдэхүүнд УИХ-ын гишүүн, Засгийн газрын гишүүн, ХХААҮ-ийн сайд Ч.Улаан, УИХ-ын гишүүн Б.Бат-Эрдэнэ, Ерөнхий сайдын ажлын албаныхан багтсан юм.
Тэдгээр албаны хүмүүс Монгол улсын төрийн соёрхолт, УГЗ, "Чингис хаан" одонт Б.Шарав агсны урлан, бүтээлийн өргөөнд хүндэтгэл үзүүлснээр ажлаа эхлүүлсэн бөгөөд Жаргалтхаан, Мөрөн сумдын нэгдсэн инженерийн шугам сүлжээний барилгын ажлын явц, Жаргалтхаан сумын 35Кв-ын цахилгаан дамжуулах дэд станцын ажлын гүйцэтгэлийн явц, Мөрөн сумын ЕБС-ийн өргөтгөл, Хэрлэн сумын хотын доторхи 10,5км болон Чингис хот-Бэрх чиглэлийн хатуу хучилттай 20км замын ажлын явцтай танилцахаас гадна Аймгийн Зооноз өвчин судлалын төвд Фургон авто машин гардуулан өгч "Эвт" худалдааны төвд зохион байгуулагдсан аймгийн Ногоочдын өдөрлөгөөр зочилсон юм.
Энэ үеэр ХХААХҮ-ийн Сайд Ч.Улаан Монгол улсын шилдгээр шалгарсан Мөрөн сумын ногоочдод цом өргөмжлөлийг нь гардуулан өглөө. Мөн Ерөнхий сайд ОУ-ын ахмадын баярт зориулсан аймгийн ахмадуудын нэгдсэн "Дуулах өдөр" цэнгүүнд оролцож ахмадууддаа хүндэтгэл үзүүллээ. Дашрамд дурьдхад энэ удаагийн ажлын айлчлал нь Ерөнхий сайдын 5-р сард айлчлах үеэрээ амласан, шийдвэрлэсэн ажлуудын биелэлтийг өөрийн биеэр ирж шалгаж байгаагаараа онцлог бөгөөд бүтээн байгуулалтын ажлын явц төлөвлөгөөт хугацаандаа явж байгаад сэтгэл хангалуун байгаагаа илэрхийлсэн юм.
Сэтгэгдэл (0)
Сэтгэгдэл бичигдээгүй байна