ДЭЭД ШҮҮХ ЖИНХЭНЭ ЖДҮ-ЧДИЙН ЭСРЭГ ШИЙДВЭР ГАРГАЛАА

ХХААХҮ-ийн сайдын 2018.01.03-ны өдрийн тушаал гарснаар ЖДҮХС-ийн зээлд хамрагдахаар төсөл нь шалгарсан ч мөнгөө авч чадалгүй ААН-үүд хохирсон. Яг энэ асуудлаар сайдын тушаалыг хууль зөрчсөн гэж үзэн хуульчид шүүхэд хандсан нь яг одоо Улсын Дээд шүүхэд болж байна. Бид шүүхийн шийдвэрийн талаар мэдээллийг хүргэнэ.

"Онч шийдэл" НҮТББ-ын хуульчдын зүгээс "Хүнс хөдөө аж ахуй, хөнгөн үйлдвэрийн сайдын 2018 оны 01 дүгээр сарын 03-ны өдрийн "Журмын заалт хүчингүй болгох тухай" А-01 тоот тушаалаар "Жижиг дунд үйлдвэрийг хөгжүүлэх сангаас урт хугацаатай, хөнгөлөлттэй зээл олгох төсөл сонгон шалгаруулах журам"-д оруулсан өөрчлөлт хууль бус байсан болохыг тогтоолгох, Хүнс, хөдөө аж ахуй, хөнгөн үйлдвэрийн сайдын 2017 оны 06 дугаар сарын 14-ний А/76 дугаар тушаалаар батлагдсан "Жижиг, дунд үйлдвэрийг хөгжүүлэх сангаас урт хугацаатай, хөнгөлөлттэй зээл олгох төсөл сонгон шалгаруулах журам"-ын 6.7-ын доор хийсэн "Дээрх зохицуулалт нь энэхүү журам батлагдсанаас хойш шинээр зарлах төсөл сонгон шалгаруулалтад үйлчлэхгүй" гэх нэмэлт тайлбар заалт хууль бус байсан болохыг тогтоолгох"-оор ийнхүү Дээд шүүхэд хэлэлцүүлж байгаа юм.