Аравдугаар сарын 2-нд Дэлхийн худалдааны байгууллага нь АНУ-ын зүгээс Европын холбоонд үйлдвэрлэгдсэн бараа бүтээгдэхүүнд долоон тэрбум гаруй долларын нэмэлт татвар ногдуулахыг зөвшөөрсөн тухай "Bloomberg" мэдээлж байна. Ингэснээр ДХБ нь Европын холбооны удирдлагын зүгээс "Airbus SE" концернд санхүүгийн дэмжлэг үзүүлснийг хууль бус гэж үзсэн байна. Иймд АНУ нь эхний ээлжид Европын холбоонд үйлдвэрлэгдсэн онгоцнуудад 10 хувийн нэмэлт татвар ногдуулахаар болсон. Энэ мэдээний дараагаар "Airbus SE" хувьцааны үнэ огцом унасан ч "Bloomberg" нь Америкчууд бүр ч илүү татвар ногдуулж болох байсан ч өгөөмөр зан гарган ердөө 10 хувиар нэмсэн гэж онцолжээ. "Airbus SE" концерны зүгээс үүнтэй холбогдуулан мэдэгдэл хийж, нэмэлт татвар ногдуулснаар эцсийн дүнд АНУ хохирно гэдгийг сануулжээ. Учир нь, тус компани нь АНУ-д үйлдвэрлэл явуулан 4000 гаруй хүнд ажлын байр олгож байдаг гэсэн байна. Харин Ерөнхийлөгч Трамп нь ДХБ-ын шийдвэрийг өөрийн гаргасан гарамгай ялалт гэж тодорхойлжээ.
Сэтгэгдэл (0)
Сэтгэгдэл бичигдээгүй байна