​ЖИЖИГ, ДУНД ҮЙЛДВЭРИЙГ ДЭМЖИХ САНГИЙН ЗЭЭЛИЙН СОНГОН ШАЛГАРУУЛАЛТ, ЗЭЭЛ ОЛГОСОН БАРИМТЫГ АТГ, ЭЦГ-Т ШАЛГАЖ БАЙНА

Монгол Улсын 2018 оны төсвийн гүйцэтгэлийг батлах тухай УИХ-ын тогтоолын төслийн хоёр дахь хэлэлцүүлгийг чуулганаар хийж эхлээд байна. Байнгын хорооны хуралдаан бүрт байнгын хороодын харьяа төсвийн ерөнхийлөн захирагчдын нэгтгэсэн санхүүгийн тайлан, төсвийн гүйцэтгэлийн аудитын талаар Үндэсний аудитын газраас танилцуулж байгаа юм. Байгаль орчин, хүнс, хөдөө аж ахуйн байнгын хорооны хуралдаанд Ерөнхий аудиторын орлогч С.Бүрэнбат танилцуулга өчигдөр танилцуулга хийхдээ Жижиг, дунд үйлдвэрийг дэмжих сангийн 2018 оны аудитын тайланд дүгнэлт өгөхөөс татгалзсан тухайгаа дурьдав. Үндэсний аудитын газар сайд нарын эрхлэх асуудлын хүрээний байгууллагуудаас ганцхан Жижиг, дунд үйлдвэрийг дэмжих санд дүгнэлт гаргахаас цааргалсан байна. Учир нь тус сангийн 2012 оноос хойш олгосон зээлийн сонгон шалгаруулалт болон зээлийн эргэн төлөлттэй холбоотой баримт материалуудыг Авлигатай тэмцэх газар, Эрүүгийн цагдаагийн газар шалгаж байгаа, мөн тус сангийн 2018 оны санхүүгийн тайланд 2.9 тэрбум төгрөгийн тооцоо нийлсэн актыг баталгаажуулаагүй зэрэг үндэслэлээр дүгнэлт өгөхөөс татгалзсан байна. Энэ талаараа тус газраас санхүүгийн тайланд нөлөөлөхүйц хангалттай ба зохистой нотлох зүйл байж байж дүгнэлт гаргадаг. Жижиг, дунд үйлдвэрийг дэмжих сангийн тайланд дүгнэлт гаргахад ийм бололцоо байгаагүй гэж тайлбарласан юм

Н.ӨНӨРЦЭЦЭГ

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top