СЭЛЭНГЭ АЙМАГТ ХАР БААВГАЙ ХОЁР ХҮНИЙ АМИНД ХҮРЧЭЭ

Сэлэнгэ аймгийн Ерөө сумын нутаг Могойт хэмээх газарт өнөө өглөө буюу аравдугаар сарын 04-нд Сибирийн хар баавгай малчин айл руу халдаж хоёр иргэний аминд хүрчээ.

Эх сурвалжийн мэдээлж буйгаар Сибирийн хар баавгай нь аав, хүү хоёрын амь насыг хохироосон байна. Талийгаач нь 1964 онд төрсөн эрэгтэй О, мөн түүний хүү 8 настай Б нар хэргийн газарт нас барсан болохыг тогтоожээ.

Бид энэ талаар Сэлэнгэ Аймгийн ЗДТГ-ын дарга Ө.Сувдаагаас тодруулахад одоогоор аймгийн онцгой комисс энэ асуудлаар хуралдаж байна. Сумдуудаас баавгай амар тайван байлгахгүй байна гэж олон удаа хүсэлт ирүүлж байсан ч "баавгайг буудаж болохгүй" учир солиут буудуулж, түмпэн сав нүдэх зэргээр үргээж байсан гэсэн мэдээлэл өглөө.

Энэхүү харамсалтай хэрэг дээр Сэлэнгэ аймгийн Цагдаагийн газраас ажиллаж байгаа юм байна.