Өнгөрсөн шөнө угаарын хийнд хордсон 16 хүн Хордлогын яаралтай тусламжийн төвд иржээ. Харин ЭХЭМҮТ-д дөрвөн хүүхэд угаарын хордлоготой ирсний гурав нь эмнэлгээс гарсан байна. Харин 15 настай хүүгийн бие хүнд Сэхээн амьдруулах тасагт хэвтэн эмчлүүлж байна. Тухайн хүүгийн ээж амиа алдсан байна.
Харин ХЯТТ-ийн төвд ирсэн эмэгтэйн хоёр, дөрвөн настай хоёр хүүхэд бурхан болжээ. Хүүхдүүдийн ээж, эмээ нар ХЯТТ-д эмчлүүлж байгаа бөгөөд тэд хүүхдүүдээ өнгөрснийг мэдээгүй байгаа аж.
Тухайн 16 иргэний дөрөв нь нэг гэр бүлийнхэн байсан бөгөөд тэдний эгч сэрэмжлүүлэг болгох үүднээс манай редакцид хандаж мэдээлэл өгсөн юм. Түүнчлэн хордлоготой ирсэн иргэдийн эм тариа болоод эмнэлгийн өрөөний төлбөрийг өвчтөнөөс гаргуулдаг байна. Тухайлбал, гурван иргэний эм тариа, өрөөний төлбөр 241 мянган төгрөгийг төлснөө хэлж байна. Энэ талаар ХЯТТ-ийн эмч хэлэхдээ "хордлого нь амиа хорлохтой ижил үйлдэл тул иргэн өөрөө төлбөрөө төлдөг" гэжээ.
Сэтгэгдэл (0)
Сэтгэгдэл бичигдээгүй байна