2020/05/31
USD 2,773

ХОТЫН ДАРГА С.АМАРСАЙХАН АЙЛУУДЫН ТҮЛСЭН ШАХМАЛ ТҮЛШИЙГ ЛАБОРАТОРТ ШИНЖЛҮҮЛЭХ ҮҮРЭГ ӨГЛӨӨ

О.Шүрэнцэцэг
2019/10/06

Өнгөрсөн шөнө угаарын хийнд хордсон хэд хэдэн дуудлага Хордлогын яаралтай тусламжийн төвд ирж, 16 иргэн эмнэлгийн тусламж үйлчилгээ авсан боловч харамсалтай нь 4 иргэн амь насаа алдсан байна. Үүнтэй холбогдуулан Нийслэлийн Засаг даргаар ахлуулсан Нийслэлийн онцгой комис дөнгөж сая хуралдлаа. Хуралдаанаар үүсээд байгаа нөхцөл байдалтай холбогдуулан "Таван толгой түлш" ХХК, НМХГ, Нийслэлийн агаарын бохирдолтой тэмцэх газрын эрх бүхий албан тушаалтнуудаас Онцгой комиссын гишүүд мэдээлэл сонсож, Нийслэлийн онцгой байдлын комиссын дарга С.Амарсайхан үүрэг чиглэл өглөө.

Тэрбээр "Сайжруулсан түлш хэрэглэсний улмаас угаартаж, амь насаа алдсан байж болзошгүй асуудалтай холбогдуулан тухайн хэргийн шалтгаан нөхцлийг яаралтай шалгаж тогтоох, тухайн иргэдийн хэрэглэж байсан сайжруулсан түлшний дээжээс авч мэргэжлийн лабораторид хандан өмнө үйлдвэрлэсэн, одоо үйлдвэрлэж байгаа түлштэй харьцуулсан нарийвчилсан дүн шинжилгээ хийлгэх, хүйтний улиралтай холбогдуулан иргэдэд угаарын хийнд хордохоос урьдчилсан сэргийлсэн зөвлөгөө зөвлөмж, сэрэмжлүүлэг мэдээллийг хэвлэл мэдээллийн хэрэгслээр иргэдэд байнга тогтмол өгөх, иргэдийг эрсдэлд оруулахгүй байх бүхий л нөхцөл байдлыг ханган Нийслэлийн цагдаа, Онцгой байдлын газар, Нийслэлийн мэргэжлийн хяналтын газар зэрэг мэргэжлийн байгууллагууд өндөржүүлсэн бэлэн байдалд ажиллах шаардлагатай" гэв.


Нийслэлийн ЗДТГ-ын Хэвлэл мэдээлэлтэй харилцах хэлтэс



Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
59.153.112.209 |   2019/10/06
Энэ жилийн утаа нэг л эвгүй санагдахгүй байна уу хуучин утаанаас өөр л байна даа
Хариулах
182.160.36.21 |   2019/10/06
TER GANBAATAR GD BGA NOXRIIG ZAILUULACHEE,AJIL XJ CHADAXGUI AVILGACH NOXOR SHU DEE,UGASA ENE YUMXJ CHADAXGUI
Хариулах
93.24.29.144 |   2019/10/06
ene mongolchuudiig ynz buriin argaar alaad exellee
Хариулах
59.153.87.52 |   2019/10/06
иргэдийн ор хөнжилд хүртэл оролцож байгаа улс төрчид хохинээ, гэхдээ та нарын хохинээгээс илүү иргэдийн амь нас та нараас чухал шүү, яагаад гэвэл тэд га нараас илүү ариун
Хариулах