1931 онд анх энэ байшинд Ерөнхий сайд П.Гэндэн амьдарч байжээ. 1996 оны 9 дүгээр сарын 10-нд түүний охин Цэрэндуламын санаачилгаар музей болгож, үзмэрийг 7 танхимд дэлгэн үзүүлж байсан ч сүүлийн жилүүдэд хаалга нь хаалттай байх болсон. Гэвч өнөөдөр музейн дээвэр хэсгээс нурааж, нураасан эд зүйлийг автомашинаар зөөж эхэллээ. Мэдээллийн дагуу цагдаагийн албан хаагчид очиж үйл ажиллагааг нь түр зогсоосон юм.
Их хэлмэгдүүлэлтийн үед нийт 36 мянга гаруй хүмүүс хэлмэгдсэн бөгөөд үүний 17 мянга нь лам нар, бусад нь цэргийн хүмүүс болон ардууд байжээ. Хэлмэгдүүлэлт анх 1922 онд Ерөнхий сайд Бодоогоор эхэлж 1960 он хүртэл явагдсан. Оргил үе нь 1937 он байсан бөгөөд тухайн үед Сталин Монгол орныг өөрийн газар нутгаа гэж үзэж байсан учраас Монгол орноо гэсэн эх оронч үзэлтэй хүн болгоныг “Японы тагнуул" хэмээн зохиомол хэрэг үүсгэн хэлмэгдүүлжээ.
Сэтгэгдэл (0)
Сэтгэгдэл бичигдээгүй байна