2020/08/10
USD 2,811

​ХЯТАДЫН 28 КОМПАНИЙН ЭСРЭГ АВСАН ХОРИГ АРГА ХЭМЖЭЭГ НЭН ДАРУЙ ЦУЦЛАХЫГ ШААРДАВ

О.Шүрэнцэцэг
2019/10/09

БНХАУ-ын Шинжаан - Уйгарын өөртөө засах оронд үйл ажиллагаа явуулахдаа уугуул иргэдийн эрхийг зөрчсөн гэж АНУ-ын зүгээс Хятадын 28 компанийн эсрэг хориг арга хэмжээ авч байгаагаа мэдэгдээд удаагүй байна. БНХАУ үүнтэй холбоотойгоор нэн даруй АНУ-д дотоод хэрэгт нь хөндлөнгөөс оролцож байгаад эсэргүүцэл илэрхийлээд байсан юм.

Харин нэр гарсан 28 компанийн эсрэг хориг арга хэмжээг нэн даруй цуцлахыг шаардсан тухай БНХАУ-ын Худалдааны яам мэдээлсэн байна. Тус яам нь хориг арга хэмжээг нэн даруй цуцлаагүй тохиолдолд дотоод ашиг сонирхлоо хамгаалах үүднээс яаралтай арга хэмжээ авч эхлэхэд бэлэн гэдгээ анхааруулжээ. Мөн Вашингтоныг Хятадын дотоод хэрэгт хөндлөнгөөс оролцон "хариуцлагагүй мэдэгдэл хийхгүй байхыг" шаарджээ.

2018 оны наймдугаар сарын сүүлээр НҮБ-ын Яс үндсээр ялгаварлан гадуурхахыг устгах хорооны шинжээчд нь Шинжаан – Уйгарын өөртөө засах оронд сая гаруй уйгар иргэдийг "техникийн мэргэжил олгох хүмүүжүүлэх лагерь" гэгч хорьж, тамлаж байгаа тухай мэдээлснээр энэ асуудал дэлхийн нийтийн анхаарлын төвд ороод байгаа юм. НҮБ-ын шинжээчдийн энэхүү мэдэгдлийн хариуд БНХАУ-ын ГХЯ нь лалын шашинт уйгаруудыг олноор нь хүмүүжүүлэх лагерь гэгч хорьж байгаа тухай мэдээлэл бодит байдалд нийцэхгүй гэж албан ёсоор мэдэгдсэн. Нэр гарсан лагериудад уйгар залуучуудад техникийн мэргэжил олгох, хятад хэлээр уншиж бичиж сургах, Хятадын хууль тогтоомжийг ойлгуулан таниулах гэсэн зөвхөн боловсрол олгоход анхаарч байгаа болохоос, яс үндэс, шашин шүтлэгээр ялгаварлан гадуурхсан зүйл огт байхгүй гэж тайлбарлаж байгаа юм.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.94 |   2019/10/14
ene muusain hujaanuud ugasaal tegiish d vndestniign mohooj emsiin bulaaj bn
Хариулах