2020/08/04
USD 2,811

​ГЕРМАНД ЕВРЕЙ СҮМИЙН ГАДАА ХҮМҮҮС РҮҮ БУУДСАН ХЭРЭГ ГАРАВ

О.Шүрэнцэцэг
2019/10/10

Дэлхийн хоёрдугаар дайныг эхлүүлж, 50 сая гаруй хүний аминд хүрсэн Германы нацизм, фашизм нь еврейчүүдийг үзэн ядах үзлээс эхэлж байсан тул Германд еврей үндэстэй хүмүүс, еврей шашин, шүтлэг соёлыг эсрэг хийсэн элдэв үйлдэлд туйлын эмзэг ханддаг. Гэтэл өчигдөр Германы Галле хотноо еврей сүмийн гадна үл мэдэгдэх этгээд хүмүүс рүү автомат буугаар буудаж, хоёр ч хүний аминд хүрсэн эмгэнэлтэй хэрэг гарав. Аравдугаар сарын 8-9 –ий өдрүүдэд еврейчүүдийн шашны хамгийн чухал баярын нэг гэгддэг Йом-Киппур буюу Шүүлтийн өдөр нэтэй том баяр болж, мөргөлчид олноор сүмд ирдэг үеэр ийм хэрэг гарсан байна. Цагдаа нар сүмийн ойролцоох хяналтын камерын бичлэгийг шалгаад алан хядах ажиллагаа явуулсан этгээдийн хэн болохыг дараа нь тогтоож чаджээ. Дайралт үлдсэн этгээд нь Саксон-Анхальт аймагт амьдардаг 27 настай Стефан В. гэгч герман хүн байсан байна. Энэ этгээд хэт барууны, еврейчүүдийг үзэн ядах үзэлтэн байсан. Өмнө нь Ойрх Дорнодоос ирсэн цагаачдыг доромжилж, еврейчүүдийн үзэн ядсан мэдэгдэл хийдэг байж. Германд Ойрх Дорнодоос сая гаруй дүрвэгчид орж ирсэнтэй холбогдуулан тус улс дахь хэт үндсэрхэг үзэлтнүүд, неонацистууд ихээхэн идэвхжээд байгаа юм.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна