АНУ-ын Сенатын гишүүд Турк улсыг Оросоос С-400 худалдан авсан явдлыг АНУ-ын дайснуудыг хориг арга хэмжээгээр эсэргүүцэх хуулийг зөрчсөн гэж үзэж байгаа тухай "Twitter"-ээр дамжуулан мэдэгджээ. АНУ-ын Сенатын гишүүд болох Крис Ван Холлен, Линдси Грэм нар нь Туркийн хийсэн үйлдлийг Америкийн хуулийг зөрчсөн гэдгийг албан ёсоор хүлээн зөвшөөрөхийг уриалав. Хэрэв тэдний саналыг бусад дэмжиж, Америкийн "CAATSA" хуулийг Турк зөрчсөн гэж албан ёсоор мэдэгдвэл мэдэгдсэнээс 180 хоногийн дотор Туркийн эсрэг улс төр, эдийн засгийн хориг арга хэмжээ авах ёстой болох юм. Туркийн эсрэг авах хориг арга хэмжээний дотор цэргийн тусламж үзүүлэхээ зогсоох. Америк нь Оростой зэвсгийн наймаа хийсэн бүх улс орныг өөрийн "CAATSA" хуулийг зөрчсөн гэж үзээд хориг арга хэмжээ авна гэдгээ сүрдүүлдэг болсон. Хятадыг С-400 худалдан авсан гэж Батлан хамгаалах яамны өндөр албан тушаалтнуудынх нь эсрэг хориг арга хэмжээ авсан. Мөн Энэтхэгийн С-400 авах гэрээ байгууллаа гэж "CAATSA" хуулийн дагуу хориг арга хэмжээ авахаар сүрдүүлж байгаа юм. ОХУ нь энэхүү "CAATSA" хуулийг зэвсгийн зах зээл дээр шударга бус өрсөлдөөн явуулах арга мэх төдий гэж мэдэгдэж байгаа юм.
29°C
Сэтгэгдэл (2)