​Н.ЗОЛЖАРГАЛ: МАНАЙ ЭХНЭР АВСТРИД 100 МЕТР КВАДРАТ ХОЁР ӨРӨӨ БАЙР АВСАН НЬ ҮНЭН

Монголбанкны ерөнхийлөгч асан Н.Золжаргалын эхнэр Австри улсад үл хөдлөх хөрөнгө худалдан авдаг байсан нь тогтоогджээ. Харин худалдан авах эх үүсвэр нь Н.Золжаргал Монголбанкны Ерөнхийлөгчөөр ажиллаж байхдаа Австри руу шилжүүлдэг байсан гэх мэдээлэл байна. Тодруулбал, Монголбанкны Ерөнхийлөгчөөр ажиллах байх үедээ буюу 2013-2016 онд өөрийн төрсөн ах Н.Жаргалсайхан болон түүний хүү, охины нэрээр Австрид улс руу мөнгө шилжүүлдэг байжээ.

Энэ талаар өөрөөс нь тодруулахад "Үнэн. Урд нь энэ мэдээлэл олон нийтэд тараагдахад тухайн үед Монголбанкны Ерөнхийлөгч болохоос өмнө орлогоос /татвараа төлсөн хууль ёсны орлого/ гэж тайлбарлаж байсан. 100 метр квадрат хоёр өрөө байр" гэсэн хариултыг өгч байна. Уг асуудлаар буюу үндэслэлгүй хөрөнгөжсөн байж болзошгүй гэж үзэн холбогдох байгууллагууд шалгаж, хэргийг нийслэлийн Прокурорын газар хянаад, яллах дүгнэлт үйлдэн Чингэлтэй дүүргийн Эрүүгийн хэргийн анхан шатны шүүхэд шилжүүлээд байгаа юм байна.