Н.АНХБАЯР: 300,000-400,000 АМ.ДОЛЛАРЫН ХӨДӨЛГҮҮРИЙГ ЭРДЭНЭТ ҮЙЛДВЭРТ НИЙЛҮҮЛЖ БАЙСАН, ЭНЭ НЬ ЁСЗҮЙГҮЙ ҮЙЛДЭЛ МӨН

О.Шүрэнцэцэг
2019/10/11

Хуульзүйн дотоод хэргийн сайд Ц.Нямдоржийн хүү ГХЯ-ны Төрийн захиргаа удирдлагын газрын дарга Н.Анхбаяраас дараах зүйлийг тодрууллаа.

- Та өөрийгөө дипломат албанд албан тушаал ахиад явах мэргэжлийн хүн гэж бодож байна уу?

- Би дипломат албанд 2006 оноос хойш 13 жил ажиллаж байна. Өдийг болтол шинээр батлагдсан болон хуучин мөрдөгдөж байсан Төрийн албаны хуулийн шалгуурыг хангаад явж байна.

-Таны томилгоон дээр аавын нөлөөлөл ордог уу?

- Юу гэж юм болгон дээр орох вэ дээ. Дипломат албанд олон ч газар ажиллалаа. Энэ болгонд аавын нөлөөлөл орно гэж юу байхав.

- Таны хувьд ааваас тань болж ажил үүргээ гүйцэтгэхэд төвөгтэй нөхцөл байдал үүсч байсан уу?

- Миний хийж байгаа ажил юм чинь тийм асуудал үүсдэггүй.

- Монгол Улсаас Австри улсад суух онц бөгөөд бүрэн эрхт элчин сайдад та өөрийнхөө хүсэлтээр нэр дэвшсэн үү эсвэл Яамнаас дэвшүүлсэн үү?

- Яаман дээр элчин сайдаар ажиллах боломжтой хүмүүсийн судалгааг гаргасан. Яамны удирдлагын зүгээс санал тавигдаад явж байгаа ажил.

- Хөх хотын консулаар ажиллаж байсан Д.Мөнх-Эрдэнэ таны талаар нэлээд зүйлийг ярьсан?

- Д.Мөнх-Эрдэнэтэй холбоотой асуудлаар өөрийнхөө цахим хуудсаар тайлбараа өгчихсөн. Түүний хувьд өөрийнхөө болон Ерөнхий консулынхаа нэр дээр дөрвөн машин оруулсан. Энэ нь БНХАУ-ын эрх бүхий байгууллагын шалгалтаар орж, Хятад иргэдэд зарсан байж болзошгүй байна гэсэн дүгнэлт гарсан. Тиймээс эрх ямбыг нь цуцлах хүсэлт тавиад манайхаас эгүүлэн татсан. Ийм л юм болсон. Өөр надад Мөнх-Эрдэнэтэй холбоотой асуудал байхгүй.

-Дипломат алба гэж ямар алба байх ёстой юм бэ. Сүүлийн үед энэ салбарынхан ёсзүйгүй алдаа их гаргаж байна?

- Үүссэн нөхцөл байдал үнэхээр харамсальай байна. Цаашдаа бид энэ тал дээр анхаарч ажиллах ёстой. Яамны хувьд УИХ болоод холбогдох байнгын хороодоос тодорхой чиглэлүүд өгөгдөөд энэ ажлууд хийгдээд явж байна. Манай сайдаас энэ талаарх нэмэлт мэдээллүүд болон улстөрийн бодлогынх нь талаар лавлах нь зөв байх. Өнгөрсөн долдугаар сарын 3-ны өдрийн Засгийн газрын хуралдаанаар Дипломат ажилтнуудын ёсзүйн болон сахилгын дүрмийг оруулж батлуулсан. Энэ дүрмэнд тодорхой заалтууд орсон. Хэрэв хилийн чанад ажиллаж байхдаа дипломат эрх ямбаа урвуулан ашиглавал дипломат албанаас хална. Мөн өнөөгийн энэ дурдагдаад байгаа зөрчил үйлдэгдвэл Гадаад харилцааны яам болон эрх бүхий хууль хяналтын байгууллага манайд хандвал бид тухайн хүнийг дипломат албанаас халах зохицуулалт хийсэн.

- Т.Энхсайхан гэх эмэгтэй таны аав болох Хуульзүйн сайд Ц.Нямдоржийн унаж байгаа машиныг хууль бусаар оруулж ирсэн гэх нэлээд ноцтой зүйл ярьдаг?

- Манай аавын хийж байгаа ажилтай нь холбогдуулаад олон нийтэд үндэслэлгүй худал мэдээлэл тарааж байна. Тиймээс Т.Энхсайхан гэх эмэгтэйг иргэний хэргийн шугамаар шүүхийн байгууллагад өгчихсөн байгаа. Үндэслэлгүй мэдээлэл тарааж, нэр төрд халдлаа гэх шалтгаанаар. Хоёрдугаарт, Энхсайхан гэх эмэгтэйн ярьж байгаа Лексус, Мөнхбат гэдэг хүний Лексус машины арлын дугаар нь өөр юм билээ. Энэ нь шүүхийн шатанд нотлогдоод бүх зүйл нь тодорхой болчих байлгүй дээ.

- Та Эрдэнэт үйлдвэрт ямар бараа нийлүүлж байсан юм бэ?

- Энэ чинь олон жилийн өмнөх юм шүү дээ. Хангалттай энэ тухай ярьсан. Дахиад яриад яахав.

- Аавынхаа нөлөөгөөр Эрдэнэт үйлдвэрт бараа нийлүүлдэг байсан нь үнэн юм уу?

- Би тийм ч олон удаа хийгээгүй. Тухайн үед төрийн албанд ажиллаж байгаагүй. Одоо ингээд харахад тэр бол ёсзүйгүй үйлдэл. Аав нь нийтийн болон улстөрийн албанд ажиллаж байгаа үед ийм үйлдэл хийсэн нь ёсзүйгүй үйлдэл гэдгийг хүлээн зөвшөөрнө. Гэхдээ хэвлэлээр яваад байгаа шиг өндөр дүнтэй биш шүү. Нэг хоёр удаагийн худалдан авах ажиллагаанд оролцсон. 300-400 мянган ам.долларын хөдөлгүүр нийлүүлсэн.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Чингэлтэй дүүргийн зарим хорооны холбогдох хэсэгт өөрчлөлт оруулна 8 минутын өмнө
1072 хувьцааны 2023 оны ногдол ашгийг ирэх сард олгоно 36 минутын өмнө
Машин цасанд сууж, зорчиж явсан дөрвөн хүний нэг нь энджээ 40 минутын өмнө
Г.Чанцал гэртээ гурван хүүхдээ харахын хажуугаар боорцог, стүжин хийж борлуулдаг 1 цагийн өмнө
М.Бямбаа: Ээж минь өөд болоод удаж байхад өнчирч үлдсэн сэтгэл минь эдгэрдэггүй юм билээ 1 цагийн өмнө
Эмэгтэйчүүд стрессээс үүдэж 40 насандаа цэвэршиж байна 1 цагийн өмнө
Цаг агаар: 19-нөөс 22-ны өдрүүдэд ихэнх нутгаар дулаарна 1 цагийн өмнө
Дуучин Б.Болд, Х.Мөнгөнцэцэг нар 100 өрхөд 25 сая төгрөгийн хүнсний багц хүлээлгэн өглөө 16 цагийн өмнө
Д.Амарбаясгалан: Нэр дэвшигчид тухайн тойрогтоо дэмжлэгтэй байх, мэргэжлийн байх гэдэг шалгуур тавина 16 цагийн өмнө
Д.Амарбаясгалан: Ураны төслийн нөхөн сэргээлтийн асуудалд айлын тал бүрэн санал нийлэхгүй байгаа 16 цагийн өмнө
Н.Ганибал: 500 хонио алдсан малчинд нэг шуудай хивэг аваачиж өгөөд яах юм бэ? 16 цагийн өмнө
Д.Ганбат: Мал байтугай нохой ч тоож шиншлэхгүй хог болсон өвсөө тарааж сонгуульдаж байна 16 цагийн өмнө
Ц.Туваан: МАН-ынхан чихгүй толгойлж байгаад малчдыг ийм байдалд хүргэлээ 17 цагийн өмнө
О.Цогтгэрэл: МАН нэг ч амлалтаа биелүүлсэнгүй, дарга нарын төсөв 5 дахин өссөн 17 цагийн өмнө
Ж. Энхбаяр "Сүхбаатарын одон"-гоор шагнуулав 17 цагийн өмнө
Лхагва гарагт хууль, эрх зүйн зөвлөгөө үнэ төлбөргүй өгнө 18 цагийн өмнө
Метроны зөвлөх үйлчилгээний тендерт Солонгос, Хятад, Израиль, Монголын 20 компани саналаа ирүүлжээ 19 цагийн өмнө
Хархорум хотын Ерөнхий төлөвлөгөөний үзэл баримтлалын сонгон шалгаруулалт зарлалаа 20 цагийн өмнө
Монгол Улсын Ерөнхийлөгч У.Хүрэлсүх цэргийн дээд цол хүртээв 20 цагийн өмнө
‘’Squid game’’ цувралын ахмад жүжигчин О Ён Сү бэлгийн хүчирхийллийн хэргээр найман сарын хорих ял сонслоо 20 цагийн өмнө