"Хагибис" нэрлэгдсэн далайн хар салхи ойртож байгаатай холбоотойгоор Японд аюулын хамгийн дээд түвшний бэлэн байдал зарлаад байна. Японы долоон муж, түүний дотор нийслэл Токиод онц байдал зарлаад байгаа бөгөөд аюулгүй газар руу 15 сая орчим хүнийг нүүлгэн шилжүүлнэ.
Цагт 25 км цаг хурдтай хөдөлж байгаа хар салхи аравдугаар сарын 12-ны оройдоо Токиод хүрнэ гэж мэргэжилтнүүд тооцоолсон байна. Одоогийн байдлаар хар салхины нь утсан холбооны 900, интернэт холболтын 1400 гаруй шугамыг тасалж нэлээд хохирол учруулаад байгаа аж. Хар салхины төв хэсэг дэх салхины хурд 45 м/с буюу цагт 162 км хүрч байгаа юм байна. Иймд "Хагибис" хар салхийг сүүлийн 60 жилд Японыг дайрсан хамгийн хүчтэйд тооцож байгаа аж.
Хамгийн сүүлд ирсэн мэдээгээр Токиогийн орчим 4 баллын газар хөдлөлт болсон байна.
Сэтгэгдэл (0)
Сэтгэгдэл бичигдээгүй байна