БНХАУ ба АНУ хоёр нь худалдааны салбарт хэсэгчилсэн тохиролцоонд хүрсэн тухай "Bloomberg" мэдээлж байна. Бээжингийн зүгээс АНУ-ын хөдөө аж ахуйн бүтээгдэхүүний худалдан авалтын хэмжээг нэмэгдүүлэхийг зөвшөөрсөн. Харин АНУ нь Хятадын импортын бараанд ногдуулдаг худалдааны татвараа багасгахаар болсон байна. Цаашдаа энэхүү хэсэгчилсэн тохиролцоог тулгуурлан "худалдааны дайн"-ыг төгсгөл болгох бүх талын гэрээ байгуулах боломжтойг "Bloomberg" онцолсон байна. Яриа хэлэлцээ үргэлжилж байгаа бөгөөд талууд ойлголцолд хүрч чадвал 2019 он дуусахаас өмнө ийм гэрээ байгуулах боломжтой болох аж.
Бээжинг энэ удаагийн тохиролцооны хүрээнд анхнаасаа бүрэн хэмжээний гэрээ байгуулна гэж тооцоогүй байсан гэж "Bloomberg" бичиж байсан. Хятадын тал нь Америкийн татваруудыг одоогийн хэмжээнд хадгалж үлдэх, аравдугаар сарын дундуур ба арваннэгдүгээр сарын дундаар хэрэгжүүлж эхлэхээр төлөвлөөд байсан нэмэлт татвараас зайлсхийхийг төлөвлөж байсан нь ийнхүү тодорхой хэжээгээр амжилтад хүрэв бололтой. Тохиролцоо ёсоор АНУ нь аравдугаар сарын 15-нд Хятадын бараанд нэмэлт татвар ногдуулахаар зарлаад байснаа больсон. АНУ-ын Сангийн саян Стивен Манучи энэ талаар "Дэд сайд хүсэлт гаргаж Ерөнхийлөгч дэмжсэн тул бид одоо бичиг цаасн ажлаа зохицуулж байгаа бөгөөд дараа долоо хоногт татвараа төлөвлөж байсан шигээ 25 хувиас 30 хүргэж өсгөхгүй болсон" гэжээ.
Гэхдээ энэхүү тохиролцоонд Хятадын "Huawei" корпорацын эсрэг арга хэмжээг оруулаагүй юм байна. АНУ-ын худалдааны төлөөлөгч Роберт Лайтхайзер "Энэхүү тохиролцооны хүрээнд би Huawei -н хэргийг хөндөөгүй" гэж мэдэгдсэн байна.
19°C
Сэтгэгдэл (0)
Сэтгэгдэл бичигдээгүй байна