ТАЖИКИСТАНЫ ХӨДӨЛМӨРИЙН ЦАГААЧИД УЛСАА ТЭЖЭЭЖ БАЙНА

ОХУ-д хөдөлмөрийн цагаач хийж байгаа тажик иргэд 2019 оны 1-6 саруудад эх орон руугаа 649 сая доллар шилжүүлсэн байна. Гэтэл Тажикистан улсын 2019 оны 1-8 саруудад хилийн чанад руу хийсэн экспортын хэмжээ 700,2 сая доллар хүрсэн тухай "Авеста" агентлаг мэдээлжээ. Тажикистан улс үнэт металл, хөвөн, анхдагч хөнгөн цагаан гээд худалдан хямд үнэтэй түүхий эд давамгайлсан бүтээгдэхүүн нийлүүлдэг. Харин ОХУ-д ажиллаж байгаа тажик иргэд барилгын туслах ажилчнаас эхлээд байрны жижүүр, цэвэрлэгч хүртэл хамгийн хар хор, хэцүү ажил хийдэг ч ийнхүү нутаг руугаа явуулж байгаа мөнгөөрөө ар гэрээ тэжээж Засгийн газраа аварч байгаа юм.

Харьцуулахад, 2019 оны эхний хоёр улиралд Орост ажиллаж байгаа тажик иргэдийн нутаг руугаа явуулсан мөнгө нь Тажикистан улсаас ОХУ руу хийсэн экспортын үнийн дүнгээс даруй 25 дахин их байсан. Ингэхдээ ОХУ-аас Тажикистан руу 629,2 сая долларын бараа таваар импортлон авсан байх юм.