ЭНЭТХЭГИЙН КАШМИРТ АЛАН ХЯДАГЧИД ЗАХ ДЭЭР ГРАНАТ ДЭЛБЭЛЖЭЭ

Энэтхэгийн Жамму ба Кашмир мужийн төв Сринагар хотод алан хядагчид дайралт хийсний улмаас долоон хүн шархадсан тухай "NDTV" суваг мэдээлсэн байна. Алан хядагчид хот төв талбайн хажууд байдаг Хари Сингх Хай Стрит Маркет нэртэй зах дээр дайралт хийжээ. Хэн болохыг нь хараахан тогтоогдоогүй байгаа этгээдүүд зах дээр цугласан хүмүүс рүү гранат шидэлсэн байна.

Энэхүү дайралтыг Кашмир мужийн автономит статусыг халсантай холбоотой гэж үзэж байгаа аж. Өмнө нь Жамму ба Кашмир муж нь өөрийн гэсэн үндсэн хуультай, бие даасан дотоод бодлого явуулдаг байсныг Нарендра Моди болиулж, мужийг төв Засгийн газрын шууд удирдлагад оруулсан. Үүнийг Кашмир мужийг Энэтхэгээс салан тусгаарлах тэмцэл явуулдаг орон нутгийн бүлэглэлүүд ба тэднийг дэмжиж байдаг Пакистаны удирдлага эрс эсэргүүцсэн юм. Улмаар Пакистанд тусгайлан бэлтгэгдсэн 500 орчим зэвсэглэсэн этгээд Жамму ба Кашмир мужид алан хядах ажиллагаа явуулахын тул хил нууцаар нэвтрэх оролдлого хийж байга тухай Энэтхэгийн Зэвсэгт хүчний Умардын удирдлагын штабын дарга дэслэгч генерал Ранбир Сингх өмнө нь мэдээлж байжээ.