ОХУ-ын Ерөнхийлөгч Владимир Путин Саудын Аравид албан ёсны айлчлал хийж байна. Саудын Аравийн газрын тос олборлох үйлдвэр рүү хийсэн дайралтын дараа Ираны эсрэг байлдаан ажиллагаа явагдаж магадгүй тун ээдрээтэй нөхцөл байдалд хийгдэж байгаа айлчлал тул дэлхийн нийтийн анхаарлын төвд байна. Путин нь айлчлалын эхэнд Саудын Аравийн хаан Салман ибн Абдель Азиз Аль Саудтай уулзан олон чухал сэдвээр хэлэлцээ хийжээ. Путины хэвлэлийн нарийн бичгийн дарга Песков нь хоёр эрхмийг зэвсэг техникийн хамгийн ажиллагааны талаар ярилцсан гэсэн байна. Саудын Аравид С-400 зенитийн пуужингийн систем нийлүүлэх төлөвлөгөө байгаа ч ямар үр дүнд хүрсэн талаар дурдаагүй байна. Үүнээс гадна Ерөнхийлөгч, хаан хоёр газрын тосны үнийг тогтворжуулах, Сирийн ба Персийн булангийн нөхцөл байдал зэрэг олон асуудлаар санал солилцжээ. Айлчлалын үеэр Владимир Путин нь Саудын Аравийн хаанд камчаткийн шонхор шувуу бэлэглэсэн бол хаантан хариуд нь уран зураг бэлэглэсэн байна.
Сэтгэгдэл (0)
Сэтгэгдэл бичигдээгүй байна