С.АМАРСАЙХАН: НИЙСЛЭЛИЙН ЭМНЭЛГҮҮДИЙН ТҮРГЭН ТУСЛАМЖИЙН ПАРК ШИНЭЧЛЭЛИЙГ 50-60 ХУВЬД ХҮРГЭНЭ

О.Шүрэнцэцэг
2019/10/15

Нийслэлийн засаг С.Амарсайхан 2020 оны үйл ажиллагааны чиглэлээ хотын иргэдийн эрүүл мэнд, сурч боловсрох орчин нөхцлийг нь сайжруулах, тэр дундаа хамгийн түрүүнд эмнэлгүүдийн түргэн тусламжийн төвүүдэд парк шинэчлэлийг хийхээр зорьж байгаа нэгэн ажлын эхлэл өнөөдөр боллоо. Өдөрт дунджаар 1100-1600 гаруй дуудлага хүлээн авч хотын иргэдэд хүрч үйлчилдэг Нийслэлийн түргэн тусламжийн төвд Форд загварын бүрэн тоноглогдсон гурван авто машиныг төвийн удирдлага болон жолооч нарт гардууллаа. Нийслэлийн түргэн тусламжийн төвд хамгийн сүүлд 2015 парк шинэчлэл хийгдсэн агаад одоогийн байдлаар 81 авто машинтайгаар нийслэлийн ард иргэдэд хүрч үйлчилж байна.

Нийслэлийн түргэн тусламжийн төвийн захирал Ц.Пүрэвдаш: "Томуу, томуу төст өвчин ид илрэх гэж байгаа энэ үед бүрэн тоноглогдсон, туулах чадвар сайтай эдгээр машиныг хүлээн авч байгаа нь нийслэлийн иргэдэд бидний үзүүлэх үйлчилгээг тодорхой хэмжээгээр бууруулах болсонд талархаж байна" гэдгээ энэ үеэр илэрхийллээ. Түргэн тусламжийн нэг машин өдөрт гарахдаа 20-26 дуудлаганд явдаг байсан бол дээрхи гурван машин дуудлаганд гарсанаар 70 гаруй дуудлаганд үйлчлэх боломжтой болж, иргэдэд хүрэх цаг хэмнэгдэж, үйлчилгээ сайжрах боломж бүрдэнэ гэв.

Түргэн тусламжийн төвд 17 дахь жилдээ жолоочоор ажиллаж буй Ю.Бат өдөрт ихэнхдээ л 35-45 удаагийн дуудлаганд явдаг байна. Тэрбээр "Энэ олон жил түргэний машин барихдаа олон төрлийн авто машин хүлээн авч иргэдэд үйлчилж байлаа. Энэ удаад хамгийн сүүлийн үеийн бүрэн тоноглогдсон машины түлхүүр гардаж байгаадаа аврал эрсэн иргэдийнхээ өмнөөс баяртай байна" гэлээ.

Хотын захирагч С.Амарсайхан "Нийслэлийн ард иргэдэд хамгийн ойр байж тусламж үйлчилгээг цаг алдалгүй хүргэж ирсэн нийслэлийн цагдаа, онцгой байдлын газруудад парк шинэчлэлийг хийх шаардлагатай байгаагийн дээр, нийслэлийн хот тохижилтын газарт болон ус сувгийн удирдах газрын гэр хороололын ундны ус түгээх үйлчилгээнд зориулагдсан, туулах чадвар өндөр авто машинуудыг тун удахгүй олгож, Нийслэлийн эмнэлгүүдийн түргэн тусламжийн автомашины парк шинэчлэлийг 50-60 хувьд хүргэхийг зорьж байна" гэв.

Мөн тэрбээр "Цаг хугацаа, хөрөнгө мөнгө шаардсан асуудлууд бидний өмнө олон байгаа ч иргэдийн амь нас, эрүүл мэнд, аюулгүй байдал, ахуйн орчныг сайжруулах тулгамдсан асуудал дээр хэрэгжүүлэх ёстой шийдвэртэй алхамуудыг хамгийн түрүүнд хийх болно" гэж хэллээ.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 10 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 11 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 11 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 12 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 12 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 13 цагийн өмнө
Хүүхдийн паркт амьтны хүрээлэн ажиллаж байна 13 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 14 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 15 цагийн өмнө
Өнөөдөр цахилгааны хязгаарлалт хийх байршлууд 18 цагийн өмнө
Цасан шуурганаар сураггүй болсон хоёр иргэнийг хайж байна 18 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 18 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 18 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр