АНУ-ын Ерөнхийлөгч Дональд Трамп өөрийг нь Украйны Ерөнхийлөгч Зеленскийтэй ярихдаа хууль зөрчсөн мэтээр Конгресст "матсан" тусгай албаны ажилтны мэдээлэл нь Цагаан ордноос хэвлэсэн ярианы протоколоос зөрсөн тул хүмүүсийн итгэлийг нэг мөр алдсан гэж мэдэгджээ. Тэрээр энэ тухайгаа "Twitter" хуудсаараа жиргэсэн байна. Ийм худал мэдээлэл өгдөг мэдээлэгч нь Трампын эсрэг импичмент зарлахыг идэвхтэй дэмжиж байгаа Конгрессын төлөөлөгчдийн танхимын Тагнуулын тусгай хорооны тэргүүлэгч Адам Шиффт ч хэрэггүй гэдгийг Трамп онцолсон байна. Үүнээс гадна дуулианы эхлэлийг тавьсан хоёр дахь мэдээлэгчийн мэдээлэл бас зөрж байгаа тул сүүлийн үед нэрийг нь ч дурдахаа болиод байгаа тухай Трамп жиргэжээ.
Сэтгэгдэл (0)
Сэтгэгдэл бичигдээгүй байна