Хятадын баруун хойд нутгийн Ганьсу мужид Африкийн гахайн тахлын шинэ тохиолдол бүртгэгдсэн тухай "Синьхуа" агентлаг мэдээлж байна. Миньсянь гацааны Динси хот дахь нэгэн ферм дээр энэ өвчин бүртгэгдсэн. Ферм дээрх 287 толгой гахайны 265 нь халдвар авч, хорогдсон тухай Хятадын амьтадын өвчин эмгэгийн хяналтын төвөөс мэдээлсэн аж. Иймд орон нутгийн удирдлагууд онц байдал зарлан халдвар авсан хүн гахайг устгалд оруулж, фермийн эргэн тойронд хөл хорьж, ариутгалын ажил эхлүүлсэн бөгөөд бүс нутгаас гахайн мах болон гахайн махан бүтэгдэхүүн гаргахыг түр хугацаагаар хоригложээ. 2018 оны зун мөн л Хятадад Африкийн гахайн тахал өвчин анх гарч байсан. Өвчин гарсны дараагаар Хятадын эрх баригчид шаардлагатай бүх арга хэмжээг авсан ч тахал удалгүй хилийн дээс алхан бүс нутаг даяар тархсан. Тухайлбал, 2019 оны зургаадугаар сар гэхэд Вьетнамд 2,5 сая, Хятадад сая гаруй гахай устгалд оруулж цаашдаад Хонконг, Тайвань, Хойд ба Өмнөд Солонгос, Камбож, Монголд нийт сая давсан толгой гахайг устгалд оруулсан. Үүнээс болж дэлхийн зах зээл дээрх гахай махны үнэ огцом өсөөд байсан юм.
Сэтгэгдэл (0)
Сэтгэгдэл бичигдээгүй байна