2020/07/06
USD 2,811

​ИХ БРИТАНИЙН ШУУДАНГИЙН АЖИЛТНУУД АЖИЛ ХАЯЛТ ЗАРЛАНА

О.Шүрэнцэцэг
2019/10/16

Их Британийн Хааны шуудангийн албаны (Royal Mail) ажилтнууд цалин, ажлын нөхцөлөө сайжруулахыг шаардсан үндэсний хэмжээний ажил хаялт явуулах гэж байгаа тухай шуудангийн ажилтнуудын эрхийг хамгаалдаг Харилцааны холбооны салбарын ажилтнуудын үйлдвэрчний эвлэл Communication Workers Union (CWU) албан ёсоор мэдэгджээ. Ажил хаялт явуулах саналыг гишүүдийнх нь 91,7 хувь нь дэмжсэн байна. Ажил хаялтад "Royal Mail" компанийн 110 мянган ажилтан, албан хаагч оролцоно. Шуудангийн ажилтнууд ажлын нөхцөл, цалин хөлсний хэмжээ, ажлын цаг зэрэг зүйлсээр компанийн удирдлагатай тохиролцоонд хүрсэн ч "Royal Mail" нь өнгөрсөн долоох хоногт тохиролцоогоо зөрчсөн тул ийнхүү ажил хаялт зарлахаас өөр аргагүй болсон юм байна. Их Британийн Хааны шуудангийн алба нь төрийн өмчит компани бөгөөд 140 мянга гаруй ажилтан, албан хаагчтай.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна