Хойд Солонгосын удирдагч Ким Жон Ун цагаан морь унаж, Пэктусан уулын орой дээр гарсан тухай Солонгосын цахилгаан мэдээний төв агентлаг мэдээлжээ. Ким Жон Уныг ууланд гарахад нь Солонгосын хөдөлмөрийн намын кадрууд дагалдаж явсан юм байна. Цахилгаан мэдээний төв агентлагийн мэдээн "Хүндэт дээд удирдагч цагаан морь хөлөглөн ариун оргил дээр сүрлэг зогсоод их гүрний их хэргийн төлөө Пэктуд итгэх итгэл ба хүчээр урагшилж асан байлдаант өдрүүд ба эрс өөрчлөлтийн хоногуудын талаар сэтгэл хөдлөн дурсав" гэж өгүүлсэн байжээ. Ким Жон Ун нь нэг хэсэг олны өмнө харагдахгүй байгаад аравдугаар сарын 9-нд нэгэн цэргийн ангийн дэргэдэх фермээр зочлох үеэр олны өмнө гарчээ. Ингэж олны өмнө гарахдаа тэрээр БНАСАУ-ын амьдралын бүх л салбарын зорилтуудад бие даан хүрэхийн тулд улс орон нь шинжлэх ухаан, технологид тулгуурлах хэрэгтэй гэж мэдэгдсэн байна.
Сэтгэгдэл (0)
Сэтгэгдэл бичигдээгүй байна