БЗД-ийн 26-р хороонд байрлах Sunshine village хотхоны оршин суугчид ундны уснаасаа хордлого авч, ХӨСҮТ-д хүргэгдсэн талаар бид өчигдөр мэдээлсэн. Тодруулбал, 11 хүн эмнэлэгт хандсаны тав нь хэвтэн эмчлүүлж, бага насны нэг хүүхэд ЭХЭМҮТ рүү шилжин эмнэлгийн тусламж авч байгаа талаар мэдээлсэн.
Тэгвэл уг хотхоны ундны усанд НМХГ-аас өмнөх долоо хоногт хяналт шалгалт хийж, стандарт шаардлага хангахгүй байгааг тогтоосон байна. Ингээд гүний худгийг ашиглахгүй байх, төвийн шугамд холбогдох шаардлага хүргүүлж, УСУГ-тай хамтран ажиллажээ. Шаардлагын дагуу тухайн хотхон төвийн шугамд холбогдохоор болж, өчигдрөөс ажил явагдаж эхэлжээ. Тодруулбал, Sunshine village хотхон төвийн шугамтай хотхон болж байгаа юм.
Тухайн хотхоны барилгуудыг анх улсын комисс хүлээн авах үед комисст Мэргэжлийн хяналтын байгууллагын төлөөлөл байгаагүй. Өөрөөр хэлбэл, тухайн үеийн удирдлагуудын шийдвэрээр "хасагдсан" байжээ. Мэргэжлийн хяналтгүй комисс барилгыг хүлээн авахдаа гүний худагтайгаар хүлээн авсан нь ийнхүү оршин суугчид ундны уснаасаа хордох шалтгаан болсон байна.
27°C
Сэтгэгдэл (2)