2020/07/06
USD 2,811

НЭГДҮГЭЭР СУРГУУЛИЙН СУРАГЧИД ОДОО Ч ШААРДЛАГА ХАНГААГҮЙ ГАЗРААР ҮДИЙН ЦАЙГАА БЭЛДҮҮЛЖ БАЙНА

О.Шүрэнцэцэг
2019/10/16

"Улсын тэргүүний" нэгдүгээр сургуулийн сурагчдад үдийн цай бэлдэж өгдөг Сор-Алтай, Тайж язгууртан гэх компаниуд НМХГ-ын шалгалтад "унасан" Өөрөөр хэлбэл, шинжилгээгээр нян, энтериобактери илэрсэн. Тиймээс НМХГ-аас цаашид үйл ажиллагаа явуулах гэрээг цуцлах саналыг сургуулийн захиргаа болоод Өмч удирдлага ашиглалтын газарт хүргүүлсэн байна. Санал шаардлагын дүнд тухайн гэрээ цуцлагдсан. Гэвч цайны газар нь НМХГ-ын шинжилгээний дүнг хүлээн зөвшөөрөлгүй шүүхдэж, "шүүхийн шатанд яваа" гэдэг шалтгаанаар үйл ажиллагаагаа өнөөдрийг хүртэл явуулсаар байна. Асуудлын гол нь энд хүүхдийн эрүүл мэнд хөндөгдөж байгаа юм.

Сургуулийн захирал н.Цогзолмаа нь шалгалтад бүдэрсэн цайны газраа сургуулийн байрнаасаа гаргаж чадахгүй байх энэ хугацаандаа өөр хоёр компанид хандаж, сурагчдадаа үдийн цай өгүүлсэн нь мөн л шалгалтад "унажээ" Өөрөөр хэлбэл, захирал н.Цогзолмаагийн дуудан ирүүлсэн хоёр компани сурагчдад хатсан боорцог тараасан байна. Ямар ч хаяг шошгогүй, баталгаагүй хүнс байжээ. Ингээд нэгдүгээр сургуулийн үдийн цай уудаг 1600 гаруй сурагч шаардлага хангахгүй дөрвөн компаниас "үдийн цай"-гаа уусан гэсэн үг. Өнөөдөр ч энэ үйлдэл давтагдсаар байна.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна