Энэтхэгийн Ражастан мужийн Кота хотноо зохиомол үр тогтоолтоор хөл хүнд болсон 75 настай Прабха Дэви гэгч эмэгтэй охин төрүүлсэн тухай "The Sun" сонин мэдээлж байна. Аравдугаар сарын 12-нд төрсөн охин 700 грамм жинтэй, 30 долоо хоногтой байжээ. Эмч нар 75 настай эмэгтэйг эрүүл мэнд асуудалтай болж ирэхэд аргагүй эрхэнд кесар хагалгаа хийсэн аж. Эх барьж авсан эмч нь "Ээж нь нас дээр гарсан бас бие нь чилээрхүү байгаа тул эх, хүүхдийн амь насыг эрсдэлд оруулж болохгүй байсан. Жирэмслэлт зургаан сарын турш хэвийн тээлттэй явсан. Ийм насны хүнд бол энэ тун боломжийг тээлт. Хэрэв кесар хагалгаа хийгээгүй бол охин эхийнхээ хэвлийд үхэх аюултай байлаа" гэжээ. Дутуу төрсөн охиныг төрсөн даруйд хиймэл амьсгалын төхөөрөмжид холбосон, одоогоор биеийн байдал нь тогтвортой байгаа юм байна. Хүүхэд жин нэмж, бие нь хэвийн болоод ирэхээр эх нь хөхөөр хооллож эхэлнэ гэдгийг эмч онцолжээ. Мөн 75 настай Дэви, 80 настай нөхөр нь өөрсдийн насыг холбогдох бичиг баримт, бүртгэлээр баталгаажуулж, нотолж чадахгүй байгаа. Хэрэв насаа баримтаар нотолж чадвал Дэви нь дэлхийн хамгийн өндөр настайдаа төрсөн эмэгтэй болох юм. Үүний өмнөх дээд амжилтыг Марии дель Кармен Бусаде де Ларе гэдэг индиан овгийн эмэгтэй тогтоогоод байсан. Тэрээр 66 насандаа хоёр ихэр төрүүлсэн байдаг.
Сэтгэгдэл (0)
Сэтгэгдэл бичигдээгүй байна