Өнөөдөр АТГ-ын Хяналт шалгалтын албаны дарга ахлах комиссар Л.Сүх-Очироор ахлуулсан 6 хүний бүрэлдэхүүнтэй ажлын хэсэг Хэнтий аймгийн Чингис хотод хүрэлцэн ирлээ. Тус ажлын хэсгийн гол зорилго нь иргэдэд авлигын эсрэг хууль тогтоомжийг сурталчлан таниулах, уулзалт ярилцлага хийх, санал хүсэлтийг сонсох, гомдол мэдээлэл хүлээн авах зэрэг голчлон иргэдэд чиглэсэн соён гэгээрүүлэх арга хэмжээг зохион байгуулах юм байна. Үүний хүрээнд аймгийн Төрийн байгууллагуудтай хамтран маргааш буюу 2019.10.17-ны 09 цагт Хан Хэнтий чуулгын байранд иргэдтэй уулзаж, зөвлөгөө мэдээлэл өгч, санал хүсэлтийг хүлээн авна. Үүний зэргэцээ 2018, 2019 онд төрийн байгууллагуудад хийсэн хяналт шалгалтын зөвлөмжийн биелэлтийг шалгах юм.
Сэтгэгдэл (0)
Сэтгэгдэл бичигдээгүй байна