2020/05/26
USD 2,773

МОНГОЛ БАНК: ЗАХ ЗЭЭЛИЙГ ТӨӨРӨГДӨЛД ОРУУЛАХ ОРОЛДЛОГО ГАРГАХГҮЙ БАЙХЫГ АНХААРУУЛЖ БАЙНА

О.Шүрэнцэцэг
2019/10/21

МЭДЭГДЭЛ

Мөнгө угаахтай тэмцэх санхүүгийн арга хэмжээ авах байгууллага (Financial Action Task Force буюу ФАТФ)-аас 2019 оны 10 дугаар сарын 18-ны өдөр олон улсын мөнгө угаах, терроризмыг санхүүжүүлэхтэй тэмцэх үйл ажиллагааны хэрэгжилтийг сайжруулах явцын талаар мэдэгдэл гаргалаа.

Энэхүү мэдэгдэлд 2017 оны Харилцан үнэлгээний тайлан батлагдаж, хяналтад оруулснаас хойш Монгол Улс холбогдох хууль, тогтоомж журмыг шинэчилж нэвтрүүлснээр олон ахиц дэвшил гарсныг онцолжээ. Мөнгө угаах, терроризмыг санхүүжүүлэхтэй тэмцэх тогтолцооны үр дүнтэй байдлаа нэмэгдүүлэх, дутагдлаа засаж сайжруулах чиглэлээр Монгол Улс ФАТФ болон Ази, Номхон далайн бүсийн мөнгө угаахтай тэмцэх байгууллагатай хамтран ажиллах үйл ажиллагааны төлөвлөгөө боловсруулж хэрэгжүүлэх улс төрийн дээд түвшний хүсэл зоригоо илэрхийлснийг тэмдэглэсэн байна.

ФАТФ гишүүддээ хяналтанд оруулсан улс орнуудын эсрэг аливаа хориг арга хэмжээ авахыг шаардаагүй нь гадаад төлбөр тооцоо саатах, төлбөрийн карт хүчингүй болох, гадаад валютын урсгал багасах зэрэг шууд сөрөг нөлөөлөл үүсгэхгүй болохыг харуулж байна.

Монгол Улсын эдийн засаг төлөвлөсөн хэмжээндээ өсч, төсөв алдагдалгүй, худалдааны болон төлбөрийн тэнцэл ашигтай гарч гадаад валютын нөөц өсч эдийн засгийн эрсдэл даах чадвар сүүлийн 3 жилд үлэмж сайжраад байна. Монголбанкны зүгээс ФАТФ-ын хяналт нь төлбөр тооцоог зогсоох, санхүүгийн хэвийн зуучлалыг тасалдуулах, эдийн засгийн өсөлт, төгрөгийн тогтвортой байдлыг алдагдуулах нөхцөлийг үүсгэхгүй, үүсч болох нөлөөллийг эдийн засгийн өнөөгийн хүчин чадлаар шийдвэрлэх бүрэн бололцоотойг үүгээр мэдэгдэж байна. Иймд ханшийн богино хугацааны зохиомол савлагаа үүсгэж, зах зээлийг төөрөгдөлд оруулах оролдлого гаргахгүй байхыг анхааруулж байна.

МОНГОЛБАНК


Сэтгэгдэл (9)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.126.88.138 |   2019/11/19
Heden tugrug hadgalj baisnaa tsutslaad $ bolgoj hadgalsan, nuden deer tugrug unaad baihaar er ni tsaashdaa ch unah baih gej bodood...
Хариулах
202.131.246.134 |   2019/11/18
2020 онд МАН эргэж АРД ТҮМЭНТЭЙГЭЭ УЧИРНА ЗОЛГОНО. МАН ЗАСАГ АВАХ ҮЕД 1USD=1900ТӨГ байсан өнөөдөр 2710ТӨГ урьд өмнө байгаагүй амжилт гаргаж байна
Хариулах
202.131.246.134 |   2019/11/18
1 USD = 2710 TUG.. AJIGLASAAR BAITAL MONGOL TUGRUG TSAAS BOLLOO.. MAN, ERKHEM ERUNKHII SAID YU HIIJ SUUNAA.. HELEGCH UG ALGA NOBSH
Хариулах
202.9.42.62 |   2019/11/03
Валютын чээнжүүд бол МБ-нд үүрлүүлсэн луйварчдын гар хөл.
Хариулах
66.181.169.162 |   2019/10/31
МӨНГӨ ХИЙ ХООСОН ХЭВЛЭЖ ИХ ХЭМЖЭЭГЭЭ УГААДАГАА ЗОГСООГООЧ ,УЛС ОРНОО САМАРСАН БАНКИРУУДААС ,УЛС ТӨРЧИДӨӨС АРД ТҮМЭН 2020-ОНООС НЭХЭЛ ХАТУУТАЙ МӨНГӨӨ БУЦААЖ АВНА ШҮҮ АРД ИРГЭДЭЭ
Хариулах
66.181.169.162 |   2019/10/29
ВАЛЬЮТАА АЛДВАЛ МОНГОЛОО АЛДЛАА ГЭСЭН ҮГ ,ВАЛЬЮТЫН ХАНШИЙГ ГААРУУЛСАН ХЭН БАЙХ НЬ ХАМААГҮЙ БҮГДИЙГ НЬ ДҮҮЖИЛНЭ ШҮҮ
Хариулах
213.108.105.146 |   2019/10/22
"Орос Хятад хөрштэйгээ хэт ойртоод байвал" ФАТФ нэртэй Америк толгойтой байгууллагаар дамжуулсан геополитикийн дайны үр дүнд үүссэн асуудал. Гадаад хэлбэр нь саарал жагсаалт нэрээр гарч байгаа юм. Манай улс төрчдын толгой энэ асуудал дээр хүрэхгүй байхаа. төрийн 3 өндөрлөгийн л санаа их зовоосон асуудал даа. Улс үндэстэнээ удирдана гэдэг амар биш дээ. Зөв санаа өнцгөөр төрийн бодлогоо холбогдох хүмүүс нь дэмжээд өг. Худлаа улс төрийн попор хэрэггүй .
Хариулах
103.194.176.117 |   2019/10/21
Эхлээд тэр ханш хөөрөгдөөд байгаа валютийн ченж нараа зохицуулчих. Миний мэдэрсэнээр, сонсоноор тэр валютийн ченжүүд чинь Монгол Банкны ажилтнуудын гар хөл нь байдаг юм гэсэн.
Хариулах
202.179.31.105 |   2019/10/21
Гаргавал цагдаад мэдэгдэнэ гээч.
Хариулах