Чили улсын эрх баригчид метрогоор зорчих төлбөрийг нэмсний дараагаар нийслэлд нь үймээн дэгдсэн. Иймд Ерөнхийлөгч Себастьян Пиньера нь нийслэл хотод онц байдал зарласан байна. Себастьян Пиньера нь энэ тухайгаа иргэддээ ТВ -ээр мэдэгдэхдээ "Хүндэд иргэд ээ, метроны станцуудыг эвдлэн сүйтгэх ноцтой үйлдэл удаа дараалан гарч байгаатай холбоотойгоор би Сантьяго, Чакабую дүүргүүд болон Пуэнте-Альто, Сан-Бернардо коммунуудад онц байдал зарлалаа" гэжээ. Метрогоор зорчих үнэ 800 песо байснаа даваа гарагийн өглөө 30 песогоор өсөж 830 песо болсны дараагаар Сантьяго хотод үймээн, эмх замбараагүй байдал гарч эхэлсэн байна. Эрх баригчдын алхмыг эсэргүүцэгчид метроны 164 станцыг сүйтгэж, 10 гаруй автобусыг шатааж, нийт 700 мянган долларын хохирол учруулсан байна. Үймээнийг тараах явцад цагдаа нар 130 гаруй хүнийг баривчилсан байна. Улмаар метрог дараагийн долоо хоног хүртэл хаажээ.
Сэтгэгдэл (0)
Сэтгэгдэл бичигдээгүй байна