Бээжин хотод аравдугаар сарын 20-22 өдрүүдэд болж байгаа Аюулгүй байдлын асуудлын Сяншаны IX форум дээр БНХАУ-ын Батлан хамгаалахын сайд Вэй Фэнхэ "БНХАУ-ын зүгээс батлан хамгаалахын салбарт гадаадын улс орнуудтай явуулж байгаа харилцаан дотор Орос-Хятадын харилцаа нь итгэлцэл, стратегийн уялдаа холбоо ба практик хамтын ажиллагааны хамгийн дээд түвшинтэй гэж тодорхойлогдож байна. Энэ бол тус салбар дахь жишиг хамтын ажиллагаа" гэжээ. Нэр дурдагдсан форумыг Хятадын Ардын чөлөөлөх армийн цэргийн шинжлэх ухааны академи, Хятадын олон улсын стратегийн судалгааны хүрээлэнгээс зохион байгуулжээ. Тус форумд улс орнуудын Батлан хамгаалах яамны сайд нар, зэвсэгт хүчинд өндөр албан тушаал хашиж явсан хүмүүс оролцдог. Анхны форум 2006 онд явагдаж байсан бол 2015 оноос тус хэлэлцүүлгийг жил болгон явуулдаг болсон байна.
Сэтгэгдэл (0)
Сэтгэгдэл бичигдээгүй байна