Америкийн Конгресс Хонконг дахь хүний эрх ба ардчиллын тухай хууль баталсныг БНХАУ эрс эсэргүүцсэн. АНУ-ын Конгрессын төлөөлөгчдийн танхимаас Хонконг дахь хүний эрх ба ардчиллын тухай хуулийг баталсны дараа БНХАУ-ын олон яамд, албадаас эсэргүүцсэн, анхааруулсан мэдэгдэл хийж байна. Тухайлбал, Хятадын олон улсын радио нь АНУ нь ийм хууль батлан Хятадын дотоод хэрэгт хөндлөнгөөс оролцон үймээн, эсэргүүцлийн жагсаал зохион байгуулагчдыг дэмжсэнээр өөрсдөө хамгийн ихээр хохирно гэдгийг сануулсан мэдэгдэлд гаргажээ. Тус мэдэгдэлд Хонконгийг Ази тив дэх АНУ-ын худалдаа арилжаа, эдийн засгийн гол түншүүдийн нэг гэдгийг сануулж. Цаашлаад, Хонконгтой хийж айгаа худалдааны тэнцэл олон жилийн турш АНУ-ын тулд ашигтай гарч байгаа гэсэн байна. Тухайлбал, 2018 онд АНУ-Хонконгийн худалдааны тэнцэл Америкийн талд 33,8 тэрбум долларын ашигтай байсан аж. Харин шинэ хуулиар Хонконгийг зарим хөнгөлөлтөөс хасах нь АНУ-д сайнаар нөлөөлөхгүй гэжээ. Ингээд зогсохгүй Хонконгийг Америкийн шууд хөрөнгө оруулалтын чухал чиглэл гэдгийг сануулсан байна. Жишээлэхэд, зөвхөн 2017 онд гэхэд д Америкийн зүгээс Хонконгт 81 тэрбум долларын хөрөнгө оруулалт хийсэн. Цаашид, Америкийн эрх баригчид бүс нутгийн тогтвортой байдлыг алдагдуулсан хууль баталсаар байвал Хонконгт ажиллаж байгаа Америкийн 1300 компани гарцаагүй алдагдал хүлээж, тэнд ажиллаж амьдарч байгаа Америкийн 85 мянган иргэн хохирол амсана гэдгийг сануулжээ.
Сэтгэгдэл (0)
Сэтгэгдэл бичигдээгүй байна