2020/06/02
USD 2,773

ЕРӨНХИЙЛӨГЧ УСАН ЦАХИЛГААН СТАНЦ БАРИХ САНАЛЫГ ''TOSHIBA'' КОМПАНИД ТАВЬЖЭЭ

О.Шүрэнцэцэг
2019/10/24

Киргизийн Ерөнхийлөгч Сооронбай Жээнбеков Японд ажлын айлчлал хийх үеэр "Toshiba energy systems and solutions" компанийн үйлдвэрээр зочилж, "Toshiba" корпорацын ерөнхийлөгч Сатоши Цунакаватай хэлэлцээ хийсэн тухай хэвлэлийн алба нь мэдээлсэн байна. Киргизийн төрийн тэргүүн нь Японд төдийгүй дэлхийд томд тооцогдох компанийн тэргүүнтэй уулзахдаа өөрийн улсад усан цахилгаан станц барих боломж, хэтийн төлөв ба тэдгээрт "Toshiba" корпорацын оролцох боломж, нөхцөлийн сэдвийг хөнджээ. Сатоши Цунакавагийн зүгээс өөрийн компанийн үйлдвэрлэдэг усан болон дулааны, цөмийн цахилгаан станцуудад зориулагдсан бүтээгдэхүүний талаар танилцуулсан байна. Мөн Киргиз улсыг нийт цахилгаан эрчим хүчнийхээ 80 хувийг усан цахилгаан станцуудаас авдаг гэдгийг судалсан тухайгаа хэлжээ. Түүнчлэн "Toshiba" компанийн нэн тэргүүнд анхаардаг дөрвөн чиглэлийн нэг нь усан цахилгаан станц гэдгийг онцолжээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна