Украйны парламентын эрх баригч фракцын гишүүд авлига аваагүй гэдгээ батлан бүгд полиграфаар шалгуулахаар болжээ

Украйны парламент аравдугаар сарын 19-нд үл хөдлөх объектыг үнэлэхэд авлига авах боломжийг үгүй хийх зорилготой №2047 дугаартай хуулийг батлах гээд чадаагүй явдал ихээхэн дуулиан тариад байна. Учир нь, энэхүү хуулийг парламентын дийлэнх олонх, Ерөнхийлөгч Зеленскийн талыг баримтлагч "Ард түмний зарц" фракцаас хэлэлцүүлэхээр өргөн барьсан, бусад фракцууд бүгд нийлж эсэргүүцсэн ч хууль гарцаагүй батлагдана гэж хүлээж байсан ч хоёр хүний санал дутагдсан тул ийнхүү баталж чадаагүй юм. Үүний дараа "Ард түмний зарц" фракцын хоёр гишүүн энэ хуулийг дэмжихгүйн төлөө тус бүр нь 30 мянган ам.доллар авсан тухай яриа тархсан.

Хариуд нь Парламентын Санхүү, татвар, гаалийн бодлого хариуцсан хорооны тэргүүлэгч, "Ард түмний зарц" фракцын гишүүн Д.Гетманцев нь Ерөнхийлөгчийн тамгын газарт хандан өөрийн фракцын бүх гишүүдийг худлыг мэдрэгч төхөөрөмж буюу полиграфаар шалгуулах хүсэлт гаргасан байна. Ерөнхийлөгч Зеленский ч өөрийн удирддаг "Ард түмний зарц" фракцын бүх гишүүдийг полиграфаар шалгуулахыг дэмжжээ.

Үүний дараа парламентын үнэмлэхүй олонх фракцын тэргүүн Д.Арахамия нь хэвлэлийнхэнтэй уулзахдаа "Манай нэг ч гишүүн мөнгө аваагүй гэдэгт итгэж байна. Энэ асуудлаар полиграфаар шалгуулахыг бүгд дэмжсэн нь үүнийг нотолж байгаа юм. Гишүүдэд авлига санал болгож байгаа хүмүүсийг сэжиглэж байгаа. Тийм хүмүүс шоронд суух ёстой. Гэхдээ одоо бусад фракцын гишүүдийг шийтгэхээс илүүтэйгээр өөрийн дундаас тэр хоёр хүнийг олж шийтгэх нь илүү чухал байна. Залуу гишүүд байгаа. Хуучин гишүүд "Ингэх хэрэгтэй, чи мэдэхгүй байна, туршлагагүй байна. Бид чамд заагаад өгье" гэж тэднийг яаж ийж байгаад ч ямар нэг бохир аргад сургах гэж дандаа оролддог. Одоо тийм хүмүүст хүчтэй сануулга өгч, гарыг цохиод авах хэрэгтэй" гэж мэдэгджээ. Үүнээс гадна Арахамия нь Украйнд полиграфын үр дүнг хүлээн зөвшөөрч ашиглах тухай хууль батлаагүй байгааг сануулсан ч "Полиграфаар шалгуулсан хариуны үнэн зөв нь 95-98 хувь байдаг. 2-3 хувийн алдах магадлалтай гэдэг бол хангалттай нарийвчлалтай төхөөрөмж юм" гэжээ.

Манай гишүүд...

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top