2020/06/02
USD 2,773

​БНХАУ НЬ АМЕРИКТАЙ ТОХИРОЛЦООНД ХҮРВЭЛ 20 ТЭРБУМ ДОЛЛАРЫН ХӨДӨӨ АЖ АХУЙН БҮТЭЭГДЭХҮҮН ИМПОРТЛОХОД БЭЛЭН

О.Шүрэнцэцэг
2019/10/25

Хятад нь Америктай худалдааны хэсэгчилсэн тохиролцоод хүрч чадвал эхний жилдээ л 20 тэрбум долларын хөдөө аж ахуйн бүтээгдэхүүн импортлоход бэлэн гэдгийг "Bloomberg" эх сурвалжуудаа иш татан мэдэгджээ. Ингээд зогсохгүй цаашдаа хэлэлцээний үе шат тутамд Америкаас авах хөдөө аж ахуйн бүтээгдэхүүнийхээ хэмжээг нэмэгдүүлэхэд бэлэн байгаагаа мэдэгдсэн байна. Ингэвэл тохиролцоонд хүрсний хоёр дахь жилээс 40-50 тэрбум долларын хөдөө аж ахуйн бүтээгдэхүүн импортлоход бэлэн аж. Энэ долоо хоногт Хятад нь Америкаас 10 сая тонн буурцаг худалдан аваад байгаа. Хэлэлцээний хоёр дахь шат аравдугаар сарын 25-нд эхэлнэ. Трамп аравдугаар сарын дундуур Хятадын бараа бүтээгдэхүүнд нэмэлт татварыг төлөвлөж байснаараа өсгөхгүй байхаар шийдсэн. Гэхдээ АНУ-ын худалдааны төлөөлөгч Роберт Лайтхайзер нь арванхоёрдугаар сард нэмэхээр төлөвлөсөн татварын талаарх шийдвэрийг Трамп гаргаагүй байгаа гэж мэдэгдсэн. Хятадтай хийсэн худалдааны хэсэгчилсэн тохиролцоог Трамп "амжилттай" гэсэн бол Хятадын улсын мэдлийн хэвлэлүүд "мэдэгдэхүйц ахиц гарсан" гэж тодорхойлсон. Америкийн хөдөө аж ахуйн бүтээгдэхүүнд ногдуулсан Хятадын татвар нь хятад компаниудын импортыг дэндүү үнэтэй болгосон. Иймд Бээжин нь 50 тэрбум долларын хөдөө аж ахуйн бүтээгдэхүүнийг Америкаас худалдан авах явцыг хямдруулахын тулд эдгээр татвараа халах ёстой. Гэвч Хятад нь Америкийг хятад бараан ногдуулсан татвараа цуцалсан тохиолдолд л өөрийн татвараа хасна гэдгээ мэдэгдээд байгаа.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна