Беларусийн Ерөнхийлөгч Александр Лукашенко нь улс орон руу нь дайсан этгээд дайрсан тохиолдолд "дааж гарах аргагүй хохирол учруулах боломж бий" гэж мэдэгдсэн тухай "БЕЛТА" мэдээлж байна.
Лукашенко нь Беларусын зэвсэгт хүчинд ийм хохирол учруулах боломж бий гэдгийг онцолсон ч үүний тулд ямар зэвсэг, техник ашиглахыг тодруулсангүй тодруулбал "дараа нь элдэв блогер, садар самууныг худалдагчид хэл ам хийгээд салахгүй" гэжээ.
Беларустай хил залгаа Литвад нь Америкийн зэвсэгт хүчний 1 дүгээр дивизийн 9 дүгээр хорооны 1 дүгээр батальоны цэрэг байрлахаар хүрэлцэн ирсэнтэй холбоотойгоор Лукашенко ийм мэдэгдэл хийсэн гэдгийг мэргэжилтнүүд онцолж байна. Литватай байгуулсан гэрээний дагуу энэхүү батальоны 500 цэргийн албан хаагч, 100 байлдааны техник, түүний дотор 30 "M1 Abrams" танк, "Bradley" явган цэргийн хуягт машин 2020 оны хавар хүртэл Литвагийн нутаг дээр, Беларусийн хилийн ойролцоо байрлах юм.
Лукашенко нь болзошгүй аюулаас хамгаалахын тулд Беларус нь шинэ зэвсэг, техник худалдаж авахгүй ч, өөрт байгаа нөөц боломжоо дайчилна гэсэн. Эхний ээлжид ОХУ-д үйлдвэрлэсэн агаарын дайралтаас хамгаалах ойрын зайн "Тор-М2" зенитийн пуужинд системийг Беларусийн цөмийн цахилгаан станцын ойр орчмыг хамгаалуулахаар шилжүүлэн байршуулсан гэдгийг хэлсэн байна.
Сэтгэгдэл (0)
Сэтгэгдэл бичигдээгүй байна