​ПОЛЬШИЙН ТУСГАЙ АЛБАД ОРОСЫН ТАГНУУЛЫГ БАРИВЧИЛЖЭЭ

Польшийн Дотоод аюулгүй байдлын албаныхан Оросын талд тагнуулын ажил хийсэн гэж сэжиглэгдсэн хүнийг баривчилсан тухай "Польшийн радио" мэдээлсэн байна. Польшийн сөрөг тагнуулынхан аравдугаар сарын 24-нд Петр С. гэгч Польшийн иргэнийг саатуулан, ажлын байр ба гэрт нь нэгжлэг хийсэн гэж байна. Нэгжлэг хийх явцад зөвшөөрөлгүй буу, сум болон баримт бичиг, өгөгдөл хадгалах электрон төхөөрөмж зэргийг хураан авчээ. Мөн энэхүү Петр гэгчтэй холбоотой хүмүүсийн орон сууцанд нэгжлэг хийсэн байна. Нэгжлэгийн дараагаар Польшийн шүүхээс сэжигтнийг галт зэвсэг хууль бусаар хадгалсан гэдэг шалтгаанаар гурван сар түр хорих шийдвэр гаргажээ.